1 vnumber="1"> css="font-weight:bold"> א אשירה נא לידידי שירת דודי לכרמו כרם היה לידידי בקרן בן שמן
2 vnumber="2"> css="font-weight:bold"> ב ויעזקהו ויסקלהו ויטעהו שרק ויבן מגדל בתוכו וגם יקב חצב בו ויקו לעשות ענבים ויעש באשים
3 vnumber="3"> css="font-weight:bold"> ג ועתה יושב ירושלם ואיש יהודה--שפטו נא ביני ובין כרמי
4 vnumber="4"> css="font-weight:bold"> ד מה לעשות עוד לכרמי ולא עשיתי בו מדוע קויתי לעשות ענבים ויעש באשים
5 vnumber="5"> css="font-weight:bold"> ה ועתה אודיעה נא אתכם את אשר אני עשה לכרמי הסר משוכתו והיה לבער פרץ גדרו והיה למרמס
6 vnumber="6"> css="font-weight:bold"> ו ואשיתהו בתה לא יזמר ולא יעדר ועלה שמיר ושית ועל העבים אצוה מהמטיר עליו מטר
7 vnumber="7"> css="font-weight:bold"> ז כי כרם יהוה צבאות בית ישראל ואיש יהודה נטע שעשועיו ויקו למשפט והנה משפח לצדקה והנה צעקה {פ} art="x-p"/>
8 vnumber="8"> css="font-weight:bold"> ח הוי מגיעי בית בבית--שדה בשדה יקריבו עד אפס מקום והושבתם לבדכם בקרב הארץ
9 vnumber="9"> css="font-weight:bold"> ט באזני יהוה צבאות אם לא בתים רבים לשמה יהיו--גדלים וטובים מאין יושב
10 vnumber="10"> css="font-weight:bold"> י כי עשרת צמדי כרם יעשו בת אחת וזרע חמר יעשה איפה {ס} art="x-p"/>
11 vnumber="11"> css="font-weight:bold"> יא הוי משכימי בבקר שכר ירדפו מאחרי בנשף יין ידליקם
12 vnumber="12"> css="font-weight:bold"> יב והיה כנור ונבל תף וחליל ויין--משתיהם ואת פעל יהוה לא יביטו ומעשה ידיו לא ראו
13 vnumber="13"> css="font-weight:bold"> יג לכן גלה עמי מבלי דעת וכבודו מתי רעב והמונו צחה צמא
14 vnumber="14"> css="font-weight:bold"> יד לכן הרחיבה שאול נפשה ופערה פיה לבלי חק וירד הדרה והמונה ושאונה ועלז בה
15 vnumber="15"> css="font-weight:bold"> טו וישח אדם וישפל איש ועיני גבהים תשפלנה
16 vnumber="16"> css="font-weight:bold"> טז ויגבה יהוה צבאות במשפט והאל הקדוש נקדש בצדקה
17 vnumber="17"> css="font-weight:bold"> יז ורעו כבשים כדברם וחרבות מחים גרים יאכלו {ס} art="x-p"/>
18 vnumber="18"> css="font-weight:bold"> יח הוי משכי העון בחבלי השוא וכעבות העגלה חטאה
19 vnumber="19"> css="font-weight:bold"> יט האמרים ימהר יחישה מעשהו--למען נראה ותקרב ותבואה עצת קדוש ישראל--ונדעה {פ} art="x-p"/>
20 vnumber="20"> css="font-weight:bold"> כ הוי האמרים לרע טוב ולטוב רע שמים חשך לאור ואור לחשך שמים מר למתוק ומתוק למר {ס} art="x-p"/>
21 vnumber="21"> css="font-weight:bold"> כא הוי חכמים בעיניהם ונגד פניהם נבנים {ס} art="x-p"/>
22 vnumber="22"> css="font-weight:bold"> כב הוי גבורים לשתות יין ואנשי חיל למסך שכר
23 vnumber="23"> css="font-weight:bold"> כג מצדיקי רשע עקב שחד וצדקת צדיקים יסירו ממנו {פ} art="x-p"/>
24 vnumber="24"> css="font-weight:bold"> כד לכן כאכל קש לשון אש וחשש להבה ירפה שרשם כמק יהיה ופרחם כאבק יעלה כי מאסו את תורת יהוה צבאות ואת אמרת קדוש ישראל נאצו
25 vnumber="25"> css="font-weight:bold"> כה על כן חרה אף יהוה בעמו ויט ידו עליו ויכהו וירגזו ההרים ותהי נבלתם כסוחה בקרב חוצות בכל זאת לא שב אפו ועוד ידו נטויה
26 vnumber="26"> css="font-weight:bold"> כו ונשא נס לגוים מרחוק ושרק לו מקצה הארץ והנה מהרה קל יבוא
27 vnumber="27"> css="font-weight:bold"> כז אין עיף ואין כושל בו לא ינום ולא יישן ולא נפתח אזור חלציו ולא נתק שרוך נעליו
28 vnumber="28"> css="font-weight:bold"> כח אשר חציו שנונים וכל קשתתיו דרכות פרסות סוסיו כצר נחשבו וגלגליו כסופה
29 vnumber="29"> css="font-weight:bold"> כט שאגה לו כלביא ושאג (ישאג) ככפירים וינהם ויאחז טרף ויפליט ואין מציל
30 vnumber="30"> css="font-weight:bold"> ל וינהם עליו ביום ההוא כנהמת ים ונבט לארץ והנה חשך צר ואור חשך בעריפיה {פ} art="x-p"/>