1 vnumber="1"> css="font-weight:bold"> א שמעו אלי רדפי צדק מבקשי יהוה הביטו אל צור חצבתם ואל מקבת בור נקרתם
2 vnumber="2"> css="font-weight:bold"> ב הביטו אל אברהם אביכם ואל שרה תחוללכם כי אחד קראתיו ואברכהו וארבהו
3 vnumber="3"> css="font-weight:bold"> ג כי נחם יהוה ציון נחם כל חרבתיה וישם מדברה כעדן וערבתה כגן יהוה ששון ושמחה ימצא בה תודה וקול זמרה {ס} art="x-p"/>
4 vnumber="4"> css="font-weight:bold"> ד הקשיבו אלי עמי ולאומי אלי האזינו כי תורה מאתי תצא ומשפטי לאור עמים ארגיע
5 vnumber="5"> css="font-weight:bold"> ה קרוב צדקי יצא ישעי וזרעי עמים ישפטו אלי איים יקוו ואל זרעי ייחלון
6 vnumber="6"> css="font-weight:bold"> ו שאו לשמים עיניכם והביטו אל הארץ מתחת כי שמים כעשן נמלחו והארץ כבגד תבלה--וישביה כמו כן ימותון וישועתי לעולם תהיה וצדקתי לא תחת {פ} art="x-p"/>
7 vnumber="7"> css="font-weight:bold"> ז שמעו אלי ידעי צדק עם תורתי בלבם אל תיראו חרפת אנוש ומגדפתם אל תחתו
8 vnumber="8"> css="font-weight:bold"> ח כי כבגד יאכלם עש וכצמר יאכלם סס וצדקתי לעולם תהיה וישועתי לדור דורים {ס} art="x-p"/>
9 vnumber="9"> css="font-weight:bold"> ט עורי עורי לבשי עז זרוע יהוה--עורי כימי קדם דרות עולמים הלוא את היא המחצבת רהב מחוללת תנין
10 vnumber="10"> css="font-weight:bold"> י הלוא את היא המחרבת ים מי תהום רבה השמה מעמקי ים--דרך לעבר גאולים
11 vnumber="11"> css="font-weight:bold"> יא ופדויי יהוה ישובון ובאו ציון ברנה ושמחת עולם על ראשם ששון ושמחה ישיגון נסו יגון ואנחה {ס} art="x-p"/>
12 vnumber="12"> css="font-weight:bold"> יב אנכי אנכי הוא מנחמכם מי את ותיראי מאנוש ימות ומבן אדם חציר ינתן
13 vnumber="13"> css="font-weight:bold"> יג ותשכח יהוה עשך נוטה שמים ויסד ארץ ותפחד תמיד כל היום מפני חמת המציק כאשר כונן להשחית ואיה חמת המציק
14 vnumber="14"> css="font-weight:bold"> יד מהר צעה להפתח ולא ימות לשחת ולא יחסר לחמו
15 vnumber="15"> css="font-weight:bold"> טו ואנכי יהוה אלהיך רגע הים ויהמו גליו יהוה צבאות שמו
16 vnumber="16"> css="font-weight:bold"> טז ואשם דברי בפיך ובצל ידי כסיתיך לנטע שמים וליסד ארץ ולאמר לציון עמי אתה {ס} art="x-p"/>
17 vnumber="17"> css="font-weight:bold"> יז התעוררי התעוררי קומי ירושלם אשר שתית מיד יהוה את כוס חמתו את קבעת כוס התרעלה שתית--מצית
18 vnumber="18"> css="font-weight:bold"> יח אין מנהל לה מכל בנים ילדה ואין מחזיק בידה מכל בנים גדלה
19 vnumber="19"> css="font-weight:bold"> יט שתים הנה קראתיך מי ינוד לך השד והשבר והרעב והחרב מי אנחמך
20 vnumber="20"> css="font-weight:bold"> כ בניך עלפו שכבו בראש כל חוצות--כתוא מכמר המלאים חמת יהוה גערת אלהיך
21 vnumber="21"> css="font-weight:bold"> כא לכן שמעי נא זאת עניה ושכרת ולא מיין {פ} art="x-p"/>
22 vnumber="22"> css="font-weight:bold"> כב כה אמר אדניך יהוה ואלהיך יריב עמו הנה לקחתי מידך את כוס התרעלה--את קבעת כוס חמתי לא תוסיפי לשתותה עוד
23 vnumber="23"> css="font-weight:bold"> כג ושמתיה ביד מוגיך אשר אמרו לנפשך שחי ונעברה ותשימי כארץ גוך וכחוץ לעברים {פ} art="x-p"/>