1 vnumber="1"> css="font-weight:bold"> א כה אמר יהוה רד בית מלך יהודה ודברת שם את הדבר הזה
2 vnumber="2"> css="font-weight:bold"> ב ואמרת שמע דבר יהוה מלך יהודה הישב על כסא דוד אתה ועבדיך ועמך הבאים בשערים האלה
3 vnumber="3"> css="font-weight:bold"> ג כה אמר יהוה עשו משפט וצדקה והצילו גזול מיד עשוק וגר יתום ואלמנה אל תנו אל תחמסו ודם נקי אל תשפכו במקום הזה
4 vnumber="4"> css="font-weight:bold"> ד כי אם עשו תעשו את הדבר הזה--ובאו בשערי הבית הזה מלכים ישבים לדוד על כסאו רכבים ברכב ובסוסים הוא ועבדו ועמו
5 vnumber="5"> css="font-weight:bold"> ה ואם לא תשמעו את הדברים האלה--בי נשבעתי נאם יהוה כי לחרבה יהיה הבית הזה {פ} art="x-p"/>
6 vnumber="6"> css="font-weight:bold"> ו כי כה אמר יהוה על בית מלך יהודה גלעד אתה לי ראש הלבנון אם לא אשיתך מדבר ערים לא נושבה (נושבו)
7 vnumber="7"> css="font-weight:bold"> ז וקדשתי עליך משחתים איש וכליו וכרתו מבחר ארזיך והפילו על האש
8 vnumber="8"> css="font-weight:bold"> ח ועברו גוים רבים על העיר הזאת ואמרו איש אל רעהו על מה עשה יהוה ככה לעיר הגדולה הזאת
9 vnumber="9"> css="font-weight:bold"> ט ואמרו--על אשר עזבו את ברית יהוה אלהיהם וישתחוו לאלהים אחרים ויעבדום {ס} art="x-p"/>
10 vnumber="10"> css="font-weight:bold"> י אל תבכו למת ואל תנדו לו בכו בכו להלך--כי לא ישוב עוד וראה את ארץ מולדתו
11 vnumber="11"> css="font-weight:bold"> יא כי כה אמר יהוה אל שלם בן יאשיהו מלך יהודה המלך תחת יאשיהו אביו אשר יצא מן המקום הזה לא ישוב שם עוד
12 vnumber="12"> css="font-weight:bold"> יב כי במקום אשר הגלו אתו--שם ימות ואת הארץ הזאת לא יראה עוד {ס} art="x-p"/>
13 vnumber="13"> css="font-weight:bold"> יג הוי בנה ביתו בלא צדק ועליותיו בלא משפט ברעהו יעבד חנם ופעלו לא יתן לו
14 vnumber="14"> css="font-weight:bold"> יד האמר אבנה לי בית מדות ועליות מרוחים וקרע לו חלוני וספון בארז ומשוח בששר
15 vnumber="15"> css="font-weight:bold"> טו התמלך כי אתה מתחרה בארז אביך הלוא אכל ושתה ועשה משפט וצדקה--אז טוב לו
16 vnumber="16"> css="font-weight:bold"> טז דן דין עני ואביון אז טוב הלוא היא הדעת אתי נאם יהוה
17 vnumber="17"> css="font-weight:bold"> יז כי אין עיניך ולבך כי אם על בצעך ועל דם הנקי לשפוך ועל העשק ועל המרוצה לעשות {ס} art="x-p"/>
18 vnumber="18"> css="font-weight:bold"> יח לכן כה אמר יהוה אל יהויקים בן יאשיהו מלך יהודה לא יספדו לו הוי אחי והוי אחות לא יספדו לו הוי אדון והוי הדה
19 vnumber="19"> css="font-weight:bold"> יט קבורת חמור יקבר סחוב והשלך מהלאה לשערי ירושלם {ס} art="x-p"/>
20 vnumber="20"> css="font-weight:bold"> כ עלי הלבנון וצעקי ובבשן תני קולך וצעקי מעברים כי נשברו כל מאהביך
21 vnumber="21"> css="font-weight:bold"> כא דברתי אליך בשלותיך אמרת לא אשמע זה דרכך מנעוריך כי לא שמעת בקולי
22 vnumber="22"> css="font-weight:bold"> כב כל רעיך תרעה רוח ומאהביך בשבי ילכו כי אז תבשי ונכלמת מכל רעתך
23 vnumber="23"> css="font-weight:bold"> כג ישבתי (ישבת) בלבנון מקננתי (מקננת) בארזים מה נחנת בבא לך חבלים חיל כילדה
24 vnumber="24"> css="font-weight:bold"> כד חי אני נאם יהוה כי אם יהיה כניהו בן יהויקים מלך יהודה חותם על יד ימיני כי משם אתקנך
25 vnumber="25"> css="font-weight:bold"> כה ונתתיך ביד מבקשי נפשך וביד אשר אתה יגור מפניהם--וביד נבוכדראצר מלך בבל וביד הכשדים
26 vnumber="26"> css="font-weight:bold"> כו והטלתי אתך ואת אמך אשר ילדתך על הארץ אחרת אשר לא ילדתם שם ושם תמותו
27 vnumber="27"> css="font-weight:bold"> כז ועל הארץ אשר הם מנשאים את נפשם--לשוב שם שמה לא ישובו {פ} art="x-p"/>
28 vnumber="28"> css="font-weight:bold"> כח העצב נבזה נפוץ האיש הזה כניהו אם כלי אין חפץ בו מדוע הוטלו הוא וזרעו והשלכו על הארץ אשר לא ידעו
29 vnumber="29"> css="font-weight:bold"> כט ארץ ארץ ארץ--שמעי דבר יהוה
30 vnumber="30"> css="font-weight:bold"> ל כה אמר יהוה כתבו את האיש הזה ערירי--גבר לא יצלח בימיו כי לא יצלח מזרעו איש ישב על כסא דוד ומשל עוד ביהודה {פ} art="x-p"/>