1 vnumber="1"> הדבר אשר היה אל ירמיהו מאת יהוה לאמר
2 vnumber="2"> כה אמר יהוה אלהי ישראל לאמר כתב לך את כל הדברים אשר דברתי אליך--אל ספר
3 vnumber="3"> כי הנה ימים באים נאם יהוה ושבתי את שבות עמי ישראל ויהודה אמר יהוה והשבתים אל הארץ אשר נתתי לאבותם--וירשוה {פ}
art="x-p"/>
4 vnumber="4"> ואלה הדברים אשר דבר יהוה אל ישראל--ואל יהודה
5 vnumber="5"> כי כה אמר יהוה קול חרדה שמענו--פחד ואין שלום
6 vnumber="6"> שאלו נא וראו אם ילד זכר מדוע ראיתי כל גבר ידיו על חלציו כיולדה ונהפכו כל פנים לירקון
7 vnumber="7"> הוי כי גדול היום ההוא--מאין כמהו ועת צרה היא ליעקב וממנה יושע
8 vnumber="8"> והיה ביום ההוא נאם יהוה צבאות אשבר עלו מעל צוארך ומוסרותיך אנתק ולא יעבדו בו עוד זרים
9 vnumber="9"> ועבדו את יהוה אלהיהם ואת דוד מלכם אשר אקים להם {ס}
art="x-p"/>
10 vnumber="10"> ואתה אל תירא עבדי יעקב נאם יהוה ואל תחת ישראל--כי הנני מושיעך מרחוק ואת זרעך מארץ שבים ושב יעקב ושקט ושאנן ואין מחריד
11 vnumber="11"> כי אתך אני נאם יהוה להושיעך כי אעשה כלה בכל הגוים אשר הפצותיך שם אך אתך לא אעשה כלה ויסרתיך למשפט ונקה לא אנקך {פ}
art="x-p"/>
12 vnumber="12"> כי כה אמר יהוה אנוש לשברך--נחלה מכתך
13 vnumber="13"> אין דן דינך למזור רפאות תעלה אין לך
14 vnumber="14"> כל מאהביך שכחוך אותך לא ידרשו כי מכת אויב הכיתיך מוסר אכזרי--על רב עונך עצמו חטאתיך
15 vnumber="15"> מה תזעק על שברך אנוש מכאבך על רב עונך עצמו חטאתיך--עשיתי אלה לך
16 vnumber="16"> לכן כל אכליך יאכלו וכל צריך כלם בשבי ילכו והיו שאסיך למשסה וכל בזזיך אתן לבז
17 vnumber="17"> כי אעלה ארכה לך וממכותיך ארפאך נאם יהוה כי נדחה קראו לך--ציון היא דרש אין לה {ס}
art="x-p"/>
18 vnumber="18"> כה אמר יהוה הנני שב שבות אהלי יעקוב ומשכנתיו ארחם ונבנתה עיר על תלה וארמון על משפטו ישב
19 vnumber="19"> ויצא מהם תודה וקול משחקים והרבתים ולא ימעטו והכבדתים ולא יצערו
20 vnumber="20"> והיו בניו כקדם ועדתו לפני תכון ופקדתי על כל לחציו
21 vnumber="21"> והיה אדירו ממנו ומשלו מקרבו יצא והקרבתיו ונגש אלי כי מי הוא זה ערב את לבו לגשת אלי--נאם יהוה
22 vnumber="22"> והייתם לי לעם ואנכי אהיה לכם לאלהים {ס}
art="x-p"/>
23 vnumber="23"> הנה סערת יהוה חמה יצאה--סער מתגורר על ראש רשעים יחול
24 vnumber="24"> לא ישוב חרון אף יהוה עד עשתו ועד הקימו מזמות לבו באחרית הימים תתבוננו בה (Jeremiah 30:25) בעת ההיא נאם יהוה אהיה לאלהים לכל משפחות ישראל והמה יהיו לי לעם {ס}
art="x-p"/>