1 vnumber="1"> אם תשוב ישראל נאם יהוה אלי תשוב ואם תסיר שקוציך מפני ולא תנוד
2 vnumber="2"> ונשבעת חי יהוה באמת במשפט ובצדקה והתברכו בו גוים ובו יתהללו {ס}
art="x-p"/>
3 vnumber="3"> כי כה אמר יהוה לאיש יהודה ולירושלם נירו לכם ניר ואל תזרעו אל קצים
4 vnumber="4"> המלו ליהוה והסרו ערלות לבבכם איש יהודה וישבי ירושלם פן תצא כאש חמתי ובערה ואין מכבה--מפני רע מעלליכם
5 vnumber="5"> הגידו ביהודה ובירושלם השמיעו ואמרו ותקעו (תקעו) שופר בארץ קראו מלאו ואמרו האספו ונבואה אל ערי המבצר
6 vnumber="6"> שאו נס ציונה העיזו אל תעמדו כי רעה אנכי מביא מצפון--ושבר גדול
7 vnumber="7"> עלה אריה מסבכו ומשחית גוים נסע יצא ממקמו--לשום ארצך לשמה עריך תצינה מאין יושב
8 vnumber="8"> על זאת חגרו שקים ספדו והילילו כי לא שב חרון אף יהוה ממנו {פ}
art="x-p"/>
9 vnumber="9"> והיה ביום ההוא נאם יהוה יאבד לב המלך ולב השרים ונשמו הכהנים והנבאים יתמהו {ס}
art="x-p"/>
10 vnumber="10"> ואמר אהה אדני יהוה אכן השא השאת לעם הזה ולירושלם לאמר שלום יהיה לכם ונגעה חרב עד הנפש
11 vnumber="11"> בעת ההיא יאמר לעם הזה ולירושלם רוח צח שפים במדבר דרך בת עמי--לוא לזרות ולוא להבר
12 vnumber="12"> רוח מלא מאלה יבוא לי עתה גם אני אדבר משפטים אותם
13 vnumber="13"> הנה כעננים יעלה וכסופה מרכבותיו--קלו מנשרים סוסיו אוי לנו כי שדדנו
14 vnumber="14"> כבסי מרעה לבך ירושלם למען תושעי עד מתי תלין בקרבך מחשבות אונך
15 vnumber="15"> כי קול מגיד מדן ומשמיע און מהר אפרים
16 vnumber="16"> הזכירו לגוים הנה השמיעו על ירושלם נצרים באים מארץ המרחק ויתנו על ערי יהודה קולם
17 vnumber="17"> כשמרי שדי היו עליה מסביב כי אתי מרתה נאם יהוה
18 vnumber="18"> דרכך ומעלליך עשו אלה לך זאת רעתך כי מר כי נגע עד לבך {פ}
art="x-p"/>
19 vnumber="19"> מעי מעי אחולה (אחילה) קירות לבי המה לי לבי--לא אחרש כי קול שופר שמעתי (שמעת) נפשי תרועת מלחמה
20 vnumber="20"> שבר על שבר נקרא כי שדדה כל הארץ פתאם שדדו אהלי רגע יריעתי
21 vnumber="21"> עד מתי אראה נס--אשמעה קול שופר {פ}
art="x-p"/>
22 vnumber="22"> כי אויל עמי אותי לא ידעו--בנים סכלים המה ולא נבונים המה חכמים המה להרע ולהיטיב לא ידעו
23 vnumber="23"> ראיתי את הארץ והנה תהו ובהו ואל השמים ואין אורם
24 vnumber="24"> ראיתי ההרים והנה רעשים וכל הגבעות התקלקלו
25 vnumber="25"> ראיתי והנה אין האדם וכל עוף השמים נדדו
26 vnumber="26"> ראיתי והנה הכרמל המדבר וכל עריו נתצו מפני יהוה--מפני חרון אפו {ס}
art="x-p"/>
27 vnumber="27"> כי כה אמר יהוה שממה תהיה כל הארץ וכלה לא אעשה
28 vnumber="28"> על זאת תאבל הארץ וקדרו השמים ממעל--על כי דברתי זמתי ולא נחמתי ולא אשוב ממנה
29 vnumber="29"> מקול פרש ורמה קשת ברחת כל העיר--באו בעבים ובכפים עלו כל העיר עזובה ואין יושב בהן איש
30 vnumber="30"> ואתי (ואת) שדוד מה תעשי כי תלבשי שני כי תעדי עדי זהב כי תקרעי בפוך עיניך--לשוא תתיפי מאסו בך עגבים נפשך יבקשו
31 vnumber="31"> כי קול כחולה שמעתי צרה כמבכירה--קול בת ציון תתיפח תפרש כפיה אוי נא לי כי עיפה נפשי להרגים {פ}
art="x-p"/>