1 vnumber="1"> css="font-weight:bold"> א וירע אל יונה רעה גדולה ויחר לו
2 vnumber="2"> css="font-weight:bold"> ב ויתפלל אל יהוה ויאמר אנה יהוה הלוא זה דברי עד היותי על אדמתי--על כן קדמתי לברח תרשישה כי ידעתי כי אתה אל חנון ורחום ארך אפים ורב חסד ונחם על הרעה
3 vnumber="3"> css="font-weight:bold"> ג ועתה יהוה קח נא את נפשי ממני כי טוב מותי מחיי {ס} art="x-p"/>
4 vnumber="4"> css="font-weight:bold"> ד ויאמר יהוה ההיטב חרה לך
5 vnumber="5"> css="font-weight:bold"> ה ויצא יונה מן העיר וישב מקדם לעיר ויעש לו שם סכה וישב תחתיה בצל עד אשר יראה מה יהיה בעיר
6 vnumber="6"> css="font-weight:bold"> ו וימן יהוה אלהים קיקיון ויעל מעל ליונה להיות צל על ראשו להציל לו מרעתו וישמח יונה על הקיקיון שמחה גדולה
7 vnumber="7"> css="font-weight:bold"> ז וימן האלהים תולעת בעלות השחר למחרת ותך את הקיקיון וייבש
8 vnumber="8"> css="font-weight:bold"> ח ויהי כזרח השמש וימן אלהים רוח קדים חרישית ותך השמש על ראש יונה ויתעלף וישאל את נפשו למות ויאמר טוב מותי מחיי
9 vnumber="9"> css="font-weight:bold"> ט ויאמר אלהים אל יונה ההיטב חרה לך על הקיקיון ויאמר היטב חרה לי עד מות
10 vnumber="10"> css="font-weight:bold"> י ויאמר יהוה--אתה חסת על הקיקיון אשר לא עמלת בו ולא גדלתו שבן לילה היה ובן לילה אבד
11 vnumber="11"> css="font-weight:bold"> יא ואני לא אחוס על נינוה העיר הגדולה--אשר יש בה הרבה משתים עשרה רבו אדם אשר לא ידע בין ימינו לשמאלו ובהמה רבה {ש} art="x-p"/>