1 vnumber="1"> חזון עבדיה כה אמר אדני יהוה לאדום שמועה שמענו מאת יהוה וציר בגוים שלח--קומו ונקומה עליה למלחמה
2 vnumber="2"> הנה קטן נתתיך בגוים בזוי אתה מאד
3 vnumber="3"> זדון לבך השיאך שכני בחגוי סלע מרום שבתו אמר בלבו מי יורדני ארץ
4 vnumber="4"> אם תגביה כנשר ואם בין כוכבים שים קנך--משם אורידך נאם יהוה
5 vnumber="5"> אם גנבים באו לך אם שודדי לילה--איך נדמיתה הלוא יגנבו דים אם בצרים באו לך הלוא ישאירו עללות
6 vnumber="6"> איך נחפשו עשו נבעו מצפניו
7 vnumber="7"> עד הגבול שלחוך כל אנשי בריתך--השיאוך יכלו לך אנשי שלמך לחמך ישימו מזור תחתיך--אין תבונה בו
8 vnumber="8"> הלוא ביום ההוא נאם יהוה והאבדתי חכמים מאדום ותבונה מהר עשו
9 vnumber="9"> וחתו גבוריך תימן למען יכרת איש מהר עשו מקטל
10 vnumber="10"> מחמס אחיך יעקב תכסך בושה ונכרת לעולם
11 vnumber="11"> ביום עמדך מנגד ביום שבות זרים חילו ונכרים באו שערו ועל ירושלם ידו גורל--גם אתה כאחד מהם
12 vnumber="12"> ואל תרא ביום אחיך ביום נכרו ואל תשמח לבני יהודה ביום אבדם ואל תגדל פיך ביום צרה
13 vnumber="13"> אל תבוא בשער עמי ביום אידם אל תרא גם אתה ברעתו ביום אידו ואל תשלחנה בחילו ביום אידו
14 vnumber="14"> ואל תעמד על הפרק להכרית את פליטיו ואל תסגר שרידיו ביום צרה
15 vnumber="15"> כי קרוב יום יהוה על כל הגוים כאשר עשית יעשה לך גמלך ישוב בראשך
16 vnumber="16"> כי כאשר שתיתם על הר קדשי ישתו כל הגוים תמיד ושתו ולעו והיו כלוא היו
17 vnumber="17"> ובהר ציון תהיה פליטה והיה קדש וירשו בית יעקב את מורשיהם
18 vnumber="18"> והיה בית יעקב אש ובית יוסף להבה ובית עשו לקש ודלקו בהם ואכלום ולא יהיה שריד לבית עשו כי יהוה דבר
19 vnumber="19"> וירשו הנגב את הר עשו והשפלה את פלשתים וירשו את שדה אפרים ואת שדה שמרון ובנימן את הגלעד
20 vnumber="20"> וגלת החל הזה לבני ישראל אשר כנענים עד צרפת וגלת ירושלם אשר בספרד--ירשו את ערי הנגב
21 vnumber="21"> ועלו מושעים בהר ציון לשפט את הר עשו והיתה ליהוה המלוכה {ש}
art="x-p"/>