1 vnumber="1"> css="font-weight:bold"> א ויאמרו אליו איש אפרים מה הדבר הזה עשית לנו לבלתי קראות לנו כי הלכת להלחם במדין ויריבון אתו בחזקה
2 vnumber="2"> css="font-weight:bold"> ב ויאמר אליהם מה עשיתי עתה ככם הלא טוב עללות אפרים--מבציר אביעזר
3 vnumber="3"> css="font-weight:bold"> ג בידכם נתן אלהים את שרי מדין את ערב ואת זאב ומה יכלתי עשות ככם אז רפתה רוחם מעליו בדברו הדבר הזה
4 vnumber="4"> css="font-weight:bold"> ד ויבא גדעון הירדנה עבר הוא ושלש מאות האיש אשר אתו עיפים ורדפים
5 vnumber="5"> css="font-weight:bold"> ה ויאמר לאנשי סכות תנו נא ככרות לחם לעם אשר ברגלי כי עיפים הם--ואנכי רדף אחרי זבח וצלמנע מלכי מדין
6 vnumber="6"> css="font-weight:bold"> ו ויאמר שרי סכות הכף זבח וצלמנע עתה בידך כי נתן לצבאך לחם
7 vnumber="7"> css="font-weight:bold"> ז ויאמר גדעון--לכן בתת יהוה את זבח ואת צלמנע בידי ודשתי את בשרכם את קוצי המדבר ואת הברקנים
8 vnumber="8"> css="font-weight:bold"> ח ויעל משם פנואל וידבר אליהם כזאת ויענו אותו אנשי פנואל כאשר ענו אנשי סכות
9 vnumber="9"> css="font-weight:bold"> ט ויאמר גם לאנשי פנואל לאמר בשובי בשלום אתץ את המגדל הזה {פ} art="x-p"/>
10 vnumber="10"> css="font-weight:bold"> י וזבח וצלמנע בקרקר ומחניהם עמם כחמשת עשר אלף--כל הנותרים מכל מחנה בני קדם והנפלים מאה ועשרים אלף איש שלף חרב
11 vnumber="11"> css="font-weight:bold"> יא ויעל גדעון דרך השכוני באהלים מקדם לנבח ויגבהה ויך את המחנה והמחנה היה בטח
12 vnumber="12"> css="font-weight:bold"> יב וינסו זבח וצלמנע וירדף אחריהם וילכד את שני מלכי מדין את זבח ואת צלמנע וכל המחנה החריד
13 vnumber="13"> css="font-weight:bold"> יג וישב גדעון בן יואש מן המלחמה מלמעלה החרס
14 vnumber="14"> css="font-weight:bold"> יד וילכד נער מאנשי סכות וישאלהו ויכתב אליו את שרי סכות ואת זקניה--שבעים ושבעה איש
15 vnumber="15"> css="font-weight:bold"> טו ויבא אל אנשי סכות ויאמר הנה זבח וצלמנע אשר חרפתם אותי לאמר הכף זבח וצלמנע עתה בידך כי נתן לאנשיך היעפים לחם
16 vnumber="16"> css="font-weight:bold"> טז ויקח את זקני העיר ואת קוצי המדבר ואת הברקנים וידע בהם את אנשי סכות
17 vnumber="17"> css="font-weight:bold"> יז ואת מגדל פנואל נתץ ויהרג את אנשי העיר
18 vnumber="18"> css="font-weight:bold"> יח ויאמר אל זבח ואל צלמנע איפה האנשים אשר הרגתם בתבור ויאמרו כמוך כמוהם אחד כתאר בני המלך
19 vnumber="19"> css="font-weight:bold"> יט ויאמר אחי בני אמי הם חי יהוה לו החיתם אותם--לא הרגתי אתכם
20 vnumber="20"> css="font-weight:bold"> כ ויאמר ליתר בכורו קום הרג אותם ולא שלף הנער חרבו כי ירא כי עודנו נער
21 vnumber="21"> css="font-weight:bold"> כא ויאמר זבח וצלמנע קום אתה ופגע בנו--כי כאיש גבורתו ויקם גדעון ויהרג את זבח ואת צלמנע ויקח את השהרנים אשר בצוארי גמליהם {פ} art="x-p"/>
22 vnumber="22"> css="font-weight:bold"> כב ויאמרו איש ישראל אל גדעון משל בנו גם אתה גם בנך גם בן בנך כי הושעתנו מיד מדין
23 vnumber="23"> css="font-weight:bold"> כג ויאמר אלהם גדעון לא אמשל אני בכם ולא ימשל בני בכם יהוה ימשל בכם
24 vnumber="24"> css="font-weight:bold"> כד ויאמר אלהם גדעון אשאלה מכם שאלה ותנו לי איש נזם שללו כי נזמי זהב להם כי ישמעאלים הם
25 vnumber="25"> css="font-weight:bold"> כה ויאמרו נתון נתן ויפרשו את השמלה וישליכו שמה איש נזם שללו
26 vnumber="26"> css="font-weight:bold"> כו ויהי משקל נזמי הזהב אשר שאל אלף ושבע מאות זהב--לבד מן השהרנים והנטיפות ובגדי הארגמן שעל מלכי מדין ולבד מן הענקות אשר בצוארי גמליהם
27 vnumber="27"> css="font-weight:bold"> כז ויעש אותו גדעון לאפוד ויצג אותו בעירו בעפרה ויזנו כל ישראל אחריו שם ויהי לגדעון ולביתו למוקש
28 vnumber="28"> css="font-weight:bold"> כח ויכנע מדין לפני בני ישראל ולא יספו לשאת ראשם ותשקט הארץ ארבעים שנה בימי גדעון {פ} art="x-p"/>
29 vnumber="29"> css="font-weight:bold"> כט וילך ירבעל בן יואש וישב בביתו
30 vnumber="30"> css="font-weight:bold"> ל ולגדעון היו שבעים בנים יצאי ירכו כי נשים רבות היו לו
31 vnumber="31"> css="font-weight:bold"> לא ופילגשו אשר בשכם ילדה לו גם היא בן וישם את שמו אבימלך
32 vnumber="32"> css="font-weight:bold"> לב וימת גדעון בן יואש בשיבה טובה ויקבר בקבר יואש אביו בעפרה אבי העזרי {פ} art="x-p"/>
33 vnumber="33"> css="font-weight:bold"> לג ויהי כאשר מת גדעון וישובו בני ישראל ויזנו אחרי הבעלים וישימו להם בעל ברית לאלהים
34 vnumber="34"> css="font-weight:bold"> לד ולא זכרו בני ישראל את יהוה אלהיהם המציל אותם מיד כל איביהם מסביב
35 vnumber="35"> css="font-weight:bold"> לה ולא עשו חסד עם בית ירבעל גדעון ככל הטובה--אשר עשה עם ישראל {פ} art="x-p"/>