1 vnumber="1"> css="font-weight:bold"> א וילך אבימלך בן ירבעל שכמה אל אחי אמו וידבר אליהם ואל כל משפחת בית אבי אמו לאמר
2 vnumber="2"> css="font-weight:bold"> ב דברו נא באזני כל בעלי שכם מה טוב לכם--המשל בכם שבעים איש כל בני ירבעל אם משל בכם איש אחד וזכרתם כי עצמכם ובשרכם אני
3 vnumber="3"> css="font-weight:bold"> ג וידברו אחי אמו עליו באזני כל בעלי שכם את כל הדברים האלה ויט לבם אחרי אבימלך כי אמרו אחינו הוא
4 vnumber="4"> css="font-weight:bold"> ד ויתנו לו שבעים כסף מבית בעל ברית וישכר בהם אבימלך אנשים ריקים ופחזים וילכו אחריו
5 vnumber="5"> css="font-weight:bold"> ה ויבא בית אביו עפרתה ויהרג את אחיו בני ירבעל שבעים איש על אבן אחת ויותר יותם בן ירבעל הקטן--כי נחבא {ס} art="x-p"/>
6 vnumber="6"> css="font-weight:bold"> ו ויאספו כל בעלי שכם וכל בית מלוא וילכו וימליכו את אבימלך למלך--עם אלון מצב אשר בשכם
7 vnumber="7"> css="font-weight:bold"> ז ויגדו ליותם וילך ויעמד בראש הר גרזים וישא קולו ויקרא ויאמר להם שמעו אלי בעלי שכם וישמע אליכם אלהים
8 vnumber="8"> css="font-weight:bold"> ח הלוך הלכו העצים למשח עליהם מלך ויאמרו לזית מלוכה (מלכה) עלינו
9 vnumber="9"> css="font-weight:bold"> ט ויאמר להם הזית החדלתי את דשני אשר בי יכבדו אלהים ואנשים והלכתי לנוע על העצים
10 vnumber="10"> css="font-weight:bold"> י ויאמרו העצים לתאנה לכי את מלכי עלינו
11 vnumber="11"> css="font-weight:bold"> יא ותאמר להם התאנה החדלתי את מתקי ואת תנובתי הטובה והלכתי לנוע על העצים
12 vnumber="12"> css="font-weight:bold"> יב ויאמרו העצים לגפן לכי את מלוכי (מלכי) עלינו
13 vnumber="13"> css="font-weight:bold"> יג ותאמר להם הגפן החדלתי את תירושי המשמח אלהים ואנשים והלכתי לנוע על העצים
14 vnumber="14"> css="font-weight:bold"> יד ויאמרו כל העצים אל האטד לך אתה מלך עלינו
15 vnumber="15"> css="font-weight:bold"> טו ויאמר האטד אל העצים אם באמת אתם משחים אתי למלך עליכם באו חסו בצלי ואם אין--תצא אש מן האטד ותאכל את ארזי הלבנון
16 vnumber="16"> css="font-weight:bold"> טז ועתה אם באמת ובתמים עשיתם ותמליכו את אבימלך ואם טובה עשיתם עם ירבעל ועם ביתו ואם כגמול ידיו עשיתם לו
17 vnumber="17"> css="font-weight:bold"> יז אשר נלחם אבי עליכם וישלך את נפשו מנגד ויצל אתכם מיד מדין
18 vnumber="18"> css="font-weight:bold"> יח ואתם קמתם על בית אבי היום ותהרגו את בניו שבעים איש על אבן אחת ותמליכו את אבימלך בן אמתו על בעלי שכם כי אחיכם הוא
19 vnumber="19"> css="font-weight:bold"> יט ואם באמת ובתמים עשיתם עם ירבעל ועם ביתו היום הזה--שמחו באבימלך וישמח גם הוא בכם
20 vnumber="20"> css="font-weight:bold"> כ ואם אין--תצא אש מאבימלך ותאכל את בעלי שכם ואת בית מלוא ותצא אש מבעלי שכם ומבית מלוא ותאכל את אבימלך
21 vnumber="21"> css="font-weight:bold"> כא וינס יותם ויברח וילך בארה וישב שם מפני אבימלך אחיו {פ} art="x-p"/>
22 vnumber="22"> css="font-weight:bold"> כב וישר אבימלך על ישראל שלש שנים
23 vnumber="23"> css="font-weight:bold"> כג וישלח אלהים רוח רעה בין אבימלך ובין בעלי שכם ויבגדו בעלי שכם באבימלך
24 vnumber="24"> css="font-weight:bold"> כד לבוא חמס שבעים בני ירבעל ודמם לשום על אבימלך אחיהם אשר הרג אותם ועל בעלי שכם אשר חזקו את ידיו להרג את אחיו
25 vnumber="25"> css="font-weight:bold"> כה וישימו לו בעלי שכם מארבים על ראשי ההרים ויגזלו את כל אשר יעבר עליהם בדרך ויגד לאבימלך {פ} art="x-p"/>
26 vnumber="26"> css="font-weight:bold"> כו ויבא געל בן עבד ואחיו ויעברו בשכם ויבטחו בו בעלי שכם
27 vnumber="27"> css="font-weight:bold"> כז ויצאו השדה ויבצרו את כרמיהם וידרכו ויעשו הלולים ויבאו בית אלהיהם ויאכלו וישתו ויקללו את אבימלך
28 vnumber="28"> css="font-weight:bold"> כח ויאמר געל בן עבד מי אבימלך ומי שכם כי נעבדנו--הלא בן ירבעל וזבל פקידו עבדו את אנשי חמור אבי שכם ומדוע נעבדנו אנחנו
29 vnumber="29"> css="font-weight:bold"> כט ומי יתן את העם הזה בידי ואסירה את אבימלך ויאמר לאבימלך רבה צבאך וצאה
30 vnumber="30"> css="font-weight:bold"> ל וישמע זבל שר העיר את דברי געל בן עבד ויחר אפו
31 vnumber="31"> css="font-weight:bold"> לא וישלח מלאכים אל אבימלך בתרמה לאמר הנה געל בן עבד ואחיו באים שכמה והנם צרים את העיר עליך
32 vnumber="32"> css="font-weight:bold"> לב ועתה קום לילה אתה והעם אשר אתך וארב בשדה
33 vnumber="33"> css="font-weight:bold"> לג והיה בבקר כזרח השמש תשכים ופשטת על העיר והנה הוא והעם אשר אתו יצאים אליך ועשית לו כאשר תמצא ידך
34 vnumber="34"> css="font-weight:bold"> לד ויקם אבימלך וכל העם אשר עמו לילה ויארבו על שכם ארבעה ראשים
35 vnumber="35"> css="font-weight:bold"> לה ויצא געל בן עבד ויעמד פתח שער העיר ויקם אבימלך והעם אשר אתו מן המארב
36 vnumber="36"> css="font-weight:bold"> לו וירא געל את העם ויאמר אל זבל הנה עם יורד מראשי ההרים ויאמר אליו זבל את צל ההרים אתה ראה כאנשים
37 vnumber="37"> css="font-weight:bold"> לז ויסף עוד געל לדבר ויאמר הנה עם יורדים מעם טבור הארץ וראש אחד בא מדרך אלון מעוננים
38 vnumber="38"> css="font-weight:bold"> לח ויאמר אליו זבל איה אפוא פיך אשר תאמר מי אבימלך כי נעבדנו הלא זה העם אשר מאסתה בו צא נא עתה והלחם בו
39 vnumber="39"> css="font-weight:bold"> לט ויצא געל לפני בעלי שכם וילחם באבימלך
40 vnumber="40"> css="font-weight:bold"> מ וירדפהו אבימלך וינס מפניו ויפלו חללים רבים עד פתח השער
41 vnumber="41"> css="font-weight:bold"> מא וישב אבימלך בארומה ויגרש זבל את געל ואת אחיו משבת בשכם {ס} art="x-p"/>
42 vnumber="42"> css="font-weight:bold"> מב ויהי ממחרת ויצא העם השדה ויגדו לאבימלך
43 vnumber="43"> css="font-weight:bold"> מג ויקח את העם ויחצם לשלשה ראשים ויארב בשדה וירא והנה העם יצא מן העיר ויקם עליהם ויכם
44 vnumber="44"> css="font-weight:bold"> מד ואבימלך והראשים אשר עמו פשטו ויעמדו פתח שער העיר ושני הראשים פשטו על כל אשר בשדה--ויכום
45 vnumber="45"> css="font-weight:bold"> מה ואבימלך נלחם בעיר כל היום ההוא וילכד את העיר ואת העם אשר בה הרג ויתץ את העיר ויזרעה מלח {פ} art="x-p"/>
46 vnumber="46"> css="font-weight:bold"> מו וישמעו כל בעלי מגדל שכם ויבאו אל צריח בית אל ברית
47 vnumber="47"> css="font-weight:bold"> מז ויגד לאבימלך כי התקבצו כל בעלי מגדל שכם
48 vnumber="48"> css="font-weight:bold"> מח ויעל אבימלך הר צלמון הוא וכל העם אשר אתו ויקח אבימלך את הקרדמות בידו ויכרת שוכת עצים וישאה וישם על שכמו ויאמר אל העם אשר עמו מה ראיתם עשיתי--מהרו עשו כמוני
49 vnumber="49"> css="font-weight:bold"> מט ויכרתו גם כל העם איש שוכה וילכו אחרי אבימלך וישימו על הצריח ויציתו עליהם את הצריח באש וימתו גם כל אנשי מגדל שכם כאלף--איש ואשה {פ} art="x-p"/>
50 vnumber="50"> css="font-weight:bold"> נ וילך אבימלך אל תבץ ויחן בתבץ וילכדה
51 vnumber="51"> css="font-weight:bold"> נא ומגדל עז היה בתוך העיר וינסו שמה כל האנשים והנשים וכל בעלי העיר ויסגרו בעדם ויעלו על גג המגדל
52 vnumber="52"> css="font-weight:bold"> נב ויבא אבימלך עד המגדל וילחם בו ויגש עד פתח המגדל לשרפו באש
53 vnumber="53"> css="font-weight:bold"> נג ותשלך אשה אחת פלח רכב--על ראש אבימלך ותרץ את גלגלתו
54 vnumber="54"> css="font-weight:bold"> נד ויקרא מהרה אל הנער נשא כליו ויאמר לו שלף חרבך ומותתני--פן יאמרו לי אשה הרגתהו וידקרהו נערו וימת
55 vnumber="55"> css="font-weight:bold"> נה ויראו איש ישראל כי מת אבימלך וילכו איש למקמו
56 vnumber="56"> css="font-weight:bold"> נו וישב אלהים את רעת אבימלך אשר עשה לאביו להרג את שבעים אחיו
57 vnumber="57"> css="font-weight:bold"> נז ואת כל רעת אנשי שכם השיב אלהים בראשם ותבא אליהם קללת יותם בן ירבעל {פ} art="x-p"/>