1 vnumber="1"> וידבר יהוה אל משה לאמר
2 vnumber="2"> דבר אל בני ישראל ואמרת אלהם מועדי יהוה אשר תקראו אתם מקראי קדש--אלה הם מועדי
3 vnumber="3"> ששת ימים תעשה מלאכה וביום השביעי שבת שבתון מקרא קדש כל מלאכה לא תעשו שבת הוא ליהוה בכל מושבתיכם {פ}
art="x-p"/>
4 vnumber="4"> אלה מועדי יהוה מקראי קדש אשר תקראו אתם במועדם
5 vnumber="5"> בחדש הראשון בארבעה עשר לחדש--בין הערבים פסח ליהוה
6 vnumber="6"> ובחמשה עשר יום לחדש הזה חג המצות ליהוה שבעת ימים מצות תאכלו
7 vnumber="7"> ביום הראשון מקרא קדש יהיה לכם כל מלאכת עבדה לא תעשו
8 vnumber="8"> והקרבתם אשה ליהוה שבעת ימים ביום השביעי מקרא קדש כל מלאכת עבדה לא תעשו {פ}
art="x-p"/>
9 vnumber="9"> וידבר יהוה אל משה לאמר
10 vnumber="10"> דבר אל בני ישראל ואמרת אלהם כי תבאו אל הארץ אשר אני נתן לכם וקצרתם את קצירה--והבאתם את עמר ראשית קצירכם אל הכהן
11 vnumber="11"> והניף את העמר לפני יהוה לרצנכם ממחרת השבת יניפנו הכהן
12 vnumber="12"> ועשיתם ביום הניפכם את העמר כבש תמים בן שנתו לעלה ליהוה
13 vnumber="13"> ומנחתו שני עשרנים סלת בלולה בשמן אשה ליהוה--ריח ניחח ונסכה יין רביעת ההין
14 vnumber="14"> ולחם וקלי וכרמל לא תאכלו עד עצם היום הזה--עד הביאכם את קרבן אלהיכם חקת עולם לדרתיכם בכל משבתיכם {ס}
art="x-p"/>
15 vnumber="15"> וספרתם לכם ממחרת השבת מיום הביאכם את עמר התנופה שבע שבתות תמימת תהיינה
16 vnumber="16"> עד ממחרת השבת השביעת תספרו חמשים יום והקרבתם מנחה חדשה ליהוה
17 vnumber="17"> ממושבתיכם תביאו לחם תנופה שתים שני עשרנים--סלת תהיינה חמץ תאפינה בכורים ליהוה
18 vnumber="18"> והקרבתם על הלחם שבעת כבשים תמימם בני שנה ופר בן בקר אחד ואילם שנים יהיו עלה ליהוה ומנחתם ונסכיהם אשה ריח ניחח ליהוה
19 vnumber="19"> ועשיתם שעיר עזים אחד לחטאת ושני כבשים בני שנה לזבח שלמים
20 vnumber="20"> והניף הכהן אתם על לחם הבכרים תנופה לפני יהוה על שני כבשים קדש יהיו ליהוה לכהן
21 vnumber="21"> וקראתם בעצם היום הזה מקרא קדש יהיה לכם--כל מלאכת עבדה לא תעשו חקת עולם בכל מושבתיכם לדרתיכם
22 vnumber="22"> ובקצרכם את קציר ארצכם לא תכלה פאת שדך בקצרך ולקט קצירך לא תלקט לעני ולגר תעזב אתם אני יהוה אלהיכם {פ}
art="x-p"/>
23 vnumber="23"> וידבר יהוה אל משה לאמר
24 vnumber="24"> דבר אל בני ישראל לאמר בחדש השביעי באחד לחדש יהיה לכם שבתון--זכרון תרועה מקרא קדש
25 vnumber="25"> כל מלאכת עבדה לא תעשו והקרבתם אשה ליהוה {ס}
art="x-p"/>
26 vnumber="26"> וידבר יהוה אל משה לאמר
27 vnumber="27"> אך בעשור לחדש השביעי הזה יום הכפרים הוא מקרא קדש יהיה לכם ועניתם את נפשתיכם והקרבתם אשה ליהוה
28 vnumber="28"> וכל מלאכה לא תעשו בעצם היום הזה כי יום כפרים הוא לכפר עליכם לפני יהוה אלהיכם
29 vnumber="29"> כי כל הנפש אשר לא תענה בעצם היום הזה--ונכרתה מעמיה
30 vnumber="30"> וכל הנפש אשר תעשה כל מלאכה בעצם היום הזה--והאבדתי את הנפש ההוא מקרב עמה
31 vnumber="31"> כל מלאכה לא תעשו חקת עולם לדרתיכם בכל משבתיכם
32 vnumber="32"> שבת שבתון הוא לכם ועניתם את נפשתיכם בתשעה לחדש בערב--מערב עד ערב תשבתו שבתכם {פ}
art="x-p"/>
33 vnumber="33"> וידבר יהוה אל משה לאמר
34 vnumber="34"> דבר אל בני ישראל לאמר בחמשה עשר יום לחדש השביעי הזה חג הסכות שבעת ימים ליהוה
35 vnumber="35"> ביום הראשון מקרא קדש כל מלאכת עבדה לא תעשו
36 vnumber="36"> שבעת ימים תקריבו אשה ליהוה ביום השמיני מקרא קדש יהיה לכם והקרבתם אשה ליהוה עצרת הוא--כל מלאכת עבדה לא תעשו
37 vnumber="37"> אלה מועדי יהוה אשר תקראו אתם מקראי קדש להקריב אשה ליהוה עלה ומנחה זבח ונסכים--דבר יום ביומו
38 vnumber="38"> מלבד שבתת יהוה ומלבד מתנותיכם ומלבד כל נדריכם ומלבד כל נדבתיכם אשר תתנו ליהוה
39 vnumber="39"> אך בחמשה עשר יום לחדש השביעי באספכם את תבואת הארץ תחגו את חג יהוה שבעת ימים ביום הראשון שבתון וביום השמיני שבתון
40 vnumber="40"> ולקחתם לכם ביום הראשון פרי עץ הדר כפת תמרים וענף עץ עבת וערבי נחל ושמחתם לפני יהוה אלהיכם--שבעת ימים
41 vnumber="41"> וחגתם אתו חג ליהוה שבעת ימים בשנה חקת עולם לדרתיכם בחדש השביעי תחגו אתו
42 vnumber="42"> בסכת תשבו שבעת ימים כל האזרח בישראל ישבו בסכת
43 vnumber="43"> למען ידעו דרתיכם כי בסכות הושבתי את בני ישראל בהוציאי אותם מארץ מצרים אני יהוה אלהיכם
44 vnumber="44"> וידבר משה את מעדי יהוה אל בני ישראל {פ}
art="x-p"/>