1 vnumber="1"> css="font-weight:bold"> א ביום ההוא נקרא בספר משה--באזני העם ונמצא כתוב בו אשר לא יבוא עמני ומואבי בקהל האלהים עד עולם
2 vnumber="2"> css="font-weight:bold"> ב כי לא קדמו את בני ישראל בלחם ובמים וישכר עליו את בלעם לקללו ויהפך אלהינו הקללה לברכה
3 vnumber="3"> css="font-weight:bold"> ג ויהי כשמעם את התורה ויבדילו כל ערב מישראל
4 vnumber="4"> css="font-weight:bold"> ד ולפני מזה--אלישיב הכהן נתון בלשכת בית אלהינו קרוב לטוביה
5 vnumber="5"> css="font-weight:bold"> ה ויעש לו לשכה גדולה ושם היו לפנים נתנים את המנחה הלבונה והכלים ומעשר הדגן התירוש והיצהר--מצות הלוים והמשררים והשוערים ותרומת הכהנים
6 vnumber="6"> css="font-weight:bold"> ו ובכל זה לא הייתי בירושלם כי בשנת שלשים ושתים לארתחשסתא מלך בבל באתי אל המלך ולקץ ימים נשאלתי מן המלך
7 vnumber="7"> css="font-weight:bold"> ז ואבוא לירושלם ואבינה ברעה אשר עשה אלישיב לטוביה--לעשות לו נשכה בחצרי בית האלהים
8 vnumber="8"> css="font-weight:bold"> ח וירע לי מאד ואשליכה את כל כלי בית טוביה החוץ--מן הלשכה
9 vnumber="9"> css="font-weight:bold"> ט ואמרה ויטהרו הלשכות ואשיבה שם כלי בית האלהים את המנחה והלבונה {פ} art="x-p"/>
10 vnumber="10"> css="font-weight:bold"> י ואדעה כי מניות הלוים לא נתנה ויברחו איש לשדהו הלוים והמשררים עשי המלאכה
11 vnumber="11"> css="font-weight:bold"> יא ואריבה את הסגנים ואמרה מדוע נעזב בית האלהים ואקבצם ואעמדם על עמדם
12 vnumber="12"> css="font-weight:bold"> יב וכל יהודה הביאו מעשר הדגן והתירוש והיצהר--לאוצרות
13 vnumber="13"> css="font-weight:bold"> יג ואוצרה על אוצרות שלמיה הכהן וצדוק הסופר ופדיה מן הלוים ועל ידם חנן בן זכור בן מתניה כי נאמנים נחשבו ועליהם לחלק לאחיהם {פ} art="x-p"/>
14 vnumber="14"> css="font-weight:bold"> יד זכרה לי אלהי על זאת ואל תמח חסדי אשר עשיתי בבית אלהי--ובמשמריו
15 vnumber="15"> css="font-weight:bold"> טו בימים ההמה ראיתי ביהודה דרכים גתות בשבת ומביאים הערמות ועמסים על החמרים ואף יין ענבים ותאנים וכל משא ומביאים ירושלם ביום השבת ואעיד ביום מכרם ציד
16 vnumber="16"> css="font-weight:bold"> טז והצרים ישבו בה מביאים דאג וכל מכר ומוכרים בשבת לבני יהודה ובירושלם
17 vnumber="17"> css="font-weight:bold"> יז ואריבה את חרי יהודה ואמרה להם מה הדבר הרע הזה אשר אתם עשים ומחללים את יום השבת
18 vnumber="18"> css="font-weight:bold"> יח הלוא כה עשו אבתיכם--ויבא אלהינו עלינו את כל הרעה הזאת ועל העיר הזאת ואתם מוסיפים חרון על ישראל לחלל את השבת {פ} art="x-p"/>
19 vnumber="19"> css="font-weight:bold"> יט ויהי כאשר צללו שערי ירושלם לפני השבת ואמרה ויסגרו הדלתות ואמרה אשר לא יפתחום עד אחר השבת ומנערי העמדתי על השערים--לא יבוא משא ביום השבת
20 vnumber="20"> css="font-weight:bold"> כ וילינו הרכלים ומכרי כל ממכר מחוץ לירושלם--פעם ושתים
21 vnumber="21"> css="font-weight:bold"> כא ואעידה בהם ואמרה אליהם מדוע אתם לנים נגד החומה--אם תשנו יד אשלח בכם מן העת ההיא לא באו בשבת {ס} art="x-p"/>
22 vnumber="22"> css="font-weight:bold"> כב ואמרה ללוים אשר יהיו מטהרים ובאים שמרים השערים--לקדש את יום השבת גם זאת זכרה לי אלהי וחוסה עלי כרב חסדך {פ} art="x-p"/>
23 vnumber="23"> css="font-weight:bold"> כג גם בימים ההם ראיתי את היהודים השיבו נשים אשדודיות (אשדדיות) עמוניות (עמניות) מואביות
24 vnumber="24"> css="font-weight:bold"> כד ובניהם חצי מדבר אשדודית ואינם מכירים לדבר יהודית--וכלשון עם ועם
25 vnumber="25"> css="font-weight:bold"> כה ואריב עמם ואקללם ואכה מהם אנשים ואמרטם ואשביעם באלהים אם תתנו בנתיכם לבניהם ואם תשאו מבנתיהם לבניכם ולכם
26 vnumber="26"> css="font-weight:bold"> כו הלוא על אלה חטא שלמה מלך ישראל ובגוים הרבים לא היה מלך כמהו ואהוב לאלהיו היה ויתנהו אלהים מלך על כל ישראל גם אותו החטיאו הנשים הנכריות
27 vnumber="27"> css="font-weight:bold"> כז ולכם הנשמע לעשת את כל הרעה הגדולה הזאת--למעל באלהינו להשיב נשים נכריות
28 vnumber="28"> css="font-weight:bold"> כח ומבני יוידע בן אלישיב הכהן הגדול חתן לסנבלט החרני ואבריחהו מעלי
29 vnumber="29"> css="font-weight:bold"> כט זכרה להם אלהי על גאלי הכהנה וברית הכהנה והלוים
30 vnumber="30"> css="font-weight:bold"> ל וטהרתים מכל נכר ואעמידה משמרות לכהנים וללוים איש במלאכתו
31 vnumber="31"> css="font-weight:bold"> לא ולקרבן העצים בעתים מזמנות ולבכורים זכרה לי אלהי לטובה {ש} art="x-p"/>