1 vnumber="1"> css="font-weight:bold"> א וידבר יהוה אל משה לאמר
2 vnumber="2"> css="font-weight:bold"> ב שלח לך אנשים ויתרו את ארץ כנען אשר אני נתן לבני ישראל איש אחד איש אחד למטה אבתיו תשלחו--כל נשיא בהם
3 vnumber="3"> css="font-weight:bold"> ג וישלח אתם משה ממדבר פארן על פי יהוה כלם אנשים ראשי בני ישראל המה
4 vnumber="4"> css="font-weight:bold"> ד ואלה שמותם למטה ראובן שמוע בן זכור
5 vnumber="5"> css="font-weight:bold"> ה למטה שמעון שפט בן חורי
6 vnumber="6"> css="font-weight:bold"> ו למטה יהודה כלב בן יפנה
7 vnumber="7"> css="font-weight:bold"> ז למטה יששכר יגאל בן יוסף
8 vnumber="8"> css="font-weight:bold"> ח למטה אפרים הושע בן נון
9 vnumber="9"> css="font-weight:bold"> ט למטה בנימן פלטי בן רפוא
10 vnumber="10"> css="font-weight:bold"> י למטה זבולן גדיאל בן סודי
11 vnumber="11"> css="font-weight:bold"> יא למטה יוסף למטה מנשה--גדי בן סוסי
12 vnumber="12"> css="font-weight:bold"> יב למטה דן עמיאל בן גמלי
13 vnumber="13"> css="font-weight:bold"> יג למטה אשר סתור בן מיכאל
14 vnumber="14"> css="font-weight:bold"> יד למטה נפתלי נחבי בן ופסי
15 vnumber="15"> css="font-weight:bold"> טו למטה גד גאואל בן מכי
16 vnumber="16"> css="font-weight:bold"> טז אלה שמות האנשים אשר שלח משה לתור את הארץ ויקרא משה להושע בן נון יהושע
17 vnumber="17"> css="font-weight:bold"> יז וישלח אתם משה לתור את ארץ כנען ויאמר אלהם עלו זה בנגב ועליתם את ההר
18 vnumber="18"> css="font-weight:bold"> יח וראיתם את הארץ מה הוא ואת העם הישב עליה--החזק הוא הרפה המעט הוא אם רב
19 vnumber="19"> css="font-weight:bold"> יט ומה הארץ אשר הוא ישב בה--הטובה הוא אם רעה ומה הערים אשר הוא יושב בהנה--הבמחנים אם במבצרים
20 vnumber="20"> css="font-weight:bold"> כ ומה הארץ השמנה הוא אם רזה היש בה עץ אם אין והתחזקתם ולקחתם מפרי הארץ והימים--ימי בכורי ענבים
21 vnumber="21"> css="font-weight:bold"> כא ויעלו ויתרו את הארץ ממדבר צן עד רחב לבא חמת
22 vnumber="22"> css="font-weight:bold"> כב ויעלו בנגב ויבא עד חברון ושם אחימן ששי ותלמי ילידי הענק וחברון שבע שנים נבנתה לפני צען מצרים
23 vnumber="23"> css="font-weight:bold"> כג ויבאו עד נחל אשכל ויכרתו משם זמורה ואשכול ענבים אחד וישאהו במוט בשנים ומן הרמנים ומן התאנים
24 vnumber="24"> css="font-weight:bold"> כד למקום ההוא קרא נחל אשכול על אדות האשכול אשר כרתו משם בני ישראל
25 vnumber="25"> css="font-weight:bold"> כה וישבו מתור הארץ מקץ ארבעים יום
26 vnumber="26"> css="font-weight:bold"> כו וילכו ויבאו אל משה ואל אהרן ואל כל עדת בני ישראל אל מדבר פארן--קדשה וישיבו אתם דבר ואת כל העדה ויראום את פרי הארץ
27 vnumber="27"> css="font-weight:bold"> כז ויספרו לו ויאמרו באנו אל הארץ אשר שלחתנו וגם זבת חלב ודבש הוא--וזה פריה
28 vnumber="28"> css="font-weight:bold"> כח אפס כי עז העם הישב בארץ והערים בצרות גדלת מאד וגם ילדי הענק ראינו שם
29 vnumber="29"> css="font-weight:bold"> כט עמלק יושב בארץ הנגב והחתי והיבוסי והאמרי יושב בהר והכנעני יושב על הים ועל יד הירדן
30 vnumber="30"> css="font-weight:bold"> ל ויהס כלב את העם אל משה ויאמר עלה נעלה וירשנו אתה--כי יכול נוכל לה
31 vnumber="31"> css="font-weight:bold"> לא והאנשים אשר עלו עמו אמרו לא נוכל לעלות אל העם כי חזק הוא ממנו
32 vnumber="32"> css="font-weight:bold"> לב ויציאו דבת הארץ אשר תרו אתה אל בני ישראל לאמר הארץ אשר עברנו בה לתור אתה ארץ אכלת יושביה הוא וכל העם אשר ראינו בתוכה אנשי מדות
33 vnumber="33"> css="font-weight:bold"> לג ושם ראינו את הנפילים בני ענק--מן הנפלים ונהי בעינינו כחגבים וכן היינו בעיניהם art="x-p"/>