1 vnumber="1"> css="font-weight:bold"> א ויאמר יהוה אל אהרן אתה ובניך ובית אביך אתך תשאו את עון המקדש ואתה ובניך אתך תשאו את עון כהנתכם
2 vnumber="2"> css="font-weight:bold"> ב וגם את אחיך מטה לוי שבט אביך הקרב אתך וילוו עליך וישרתוך ואתה ובניך אתך לפני אהל העדת
3 vnumber="3"> css="font-weight:bold"> ג ושמרו משמרתך ומשמרת כל האהל אך אל כלי הקדש ואל המזבח לא יקרבו ולא ימתו גם הם גם אתם
4 vnumber="4"> css="font-weight:bold"> ד ונלוו עליך--ושמרו את משמרת אהל מועד לכל עבדת האהל וזר לא יקרב אליכם
5 vnumber="5"> css="font-weight:bold"> ה ושמרתם את משמרת הקדש ואת משמרת המזבח ולא יהיה עוד קצף על בני ישראל
6 vnumber="6"> css="font-weight:bold"> ו ואני הנה לקחתי את אחיכם הלוים מתוך בני ישראל--לכם מתנה נתנים ליהוה לעבד את עבדת אהל מועד
7 vnumber="7"> css="font-weight:bold"> ז ואתה ובניך אתך תשמרו את כהנתכם לכל דבר המזבח ולמבית לפרכת--ועבדתם עבדת מתנה אתן את כהנתכם והזר הקרב יומת {פ} art="x-p"/>
8 vnumber="8"> css="font-weight:bold"> ח וידבר יהוה אל אהרן ואני הנה נתתי לך את משמרת תרומתי לכל קדשי בני ישראל לך נתתים למשחה ולבניך--לחק עולם
9 vnumber="9"> css="font-weight:bold"> ט זה יהיה לך מקדש הקדשים מן האש כל קרבנם לכל מנחתם ולכל חטאתם ולכל אשמם אשר ישיבו לי--קדש קדשים לך הוא ולבניך
10 vnumber="10"> css="font-weight:bold"> י בקדש הקדשים תאכלנו כל זכר יאכל אתו קדש יהיה לך
11 vnumber="11"> css="font-weight:bold"> יא וזה לך תרומת מתנם לכל תנופת בני ישראל--לך נתתים ולבניך ולבנתיך אתך לחק עולם כל טהור בביתך יאכל אתו
12 vnumber="12"> css="font-weight:bold"> יב כל חלב יצהר וכל חלב תירוש ודגן--ראשיתם אשר יתנו ליהוה לך נתתים
13 vnumber="13"> css="font-weight:bold"> יג בכורי כל אשר בארצם אשר יביאו ליהוה--לך יהיה כל טהור בביתך יאכלנו
14 vnumber="14"> css="font-weight:bold"> יד כל חרם בישראל לך יהיה
15 vnumber="15"> css="font-weight:bold"> טו כל פטר רחם לכל בשר אשר יקריבו ליהוה באדם ובבהמה--יהיה לך אך פדה תפדה את בכור האדם ואת בכור הבהמה הטמאה תפדה
16 vnumber="16"> css="font-weight:bold"> טז ופדויו מבן חדש תפדה בערכך כסף חמשת שקלים בשקל הקדש עשרים גרה הוא
17 vnumber="17"> css="font-weight:bold"> יז אך בכור שור או בכור כשב או בכור עז לא תפדה--קדש הם את דמם תזרק על המזבח ואת חלבם תקטיר--אשה לריח ניחח ליהוה
18 vnumber="18"> css="font-weight:bold"> יח ובשרם יהיה לך כחזה התנופה וכשוק הימין לך יהיה
19 vnumber="19"> css="font-weight:bold"> יט כל תרומת הקדשים אשר ירימו בני ישראל ליהוה--נתתי לך ולבניך ולבנתיך אתך לחק עולם ברית מלח עולם הוא לפני יהוה לך ולזרעך אתך
20 vnumber="20"> css="font-weight:bold"> כ ויאמר יהוה אל אהרן בארצם לא תנחל וחלק לא יהיה לך בתוכם אני חלקך ונחלתך בתוך בני ישראל {ס} art="x-p"/>
21 vnumber="21"> css="font-weight:bold"> כא ולבני לוי הנה נתתי כל מעשר בישראל לנחלה חלף עבדתם אשר הם עבדים את עבדת אהל מועד
22 vnumber="22"> css="font-weight:bold"> כב ולא יקרבו עוד בני ישראל אל אהל מועד לשאת חטא למות
23 vnumber="23"> css="font-weight:bold"> כג ועבד הלוי הוא את עבדת אהל מועד והם ישאו עונם חקת עולם לדרתיכם ובתוך בני ישראל לא ינחלו נחלה
24 vnumber="24"> css="font-weight:bold"> כד כי את מעשר בני ישראל אשר ירימו ליהוה תרומה נתתי ללוים לנחלה על כן אמרתי להם בתוך בני ישראל לא ינחלו נחלה {פ} art="x-p"/>
25 vnumber="25"> css="font-weight:bold"> כה וידבר יהוה אל משה לאמר
26 vnumber="26"> css="font-weight:bold"> כו ואל הלוים תדבר ואמרת אלהם כי תקחו מאת בני ישראל את המעשר אשר נתתי לכם מאתם בנחלתכם--והרמתם ממנו תרומת יהוה מעשר מן המעשר
27 vnumber="27"> css="font-weight:bold"> כז ונחשב לכם תרומתכם--כדגן מן הגרן וכמלאה מן היקב
28 vnumber="28"> css="font-weight:bold"> כח כן תרימו גם אתם תרומת יהוה מכל מעשרתיכם אשר תקחו מאת בני ישראל ונתתם ממנו את תרומת יהוה לאהרן הכהן
29 vnumber="29"> css="font-weight:bold"> כט מכל מתנתיכם תרימו את כל תרומת יהוה מכל חלבו--את מקדשו ממנו
30 vnumber="30"> css="font-weight:bold"> ל ואמרת אלהם בהרימכם את חלבו ממנו ונחשב ללוים כתבואת גרן וכתבואת יקב
31 vnumber="31"> css="font-weight:bold"> לא ואכלתם אתו בכל מקום אתם וביתכם כי שכר הוא לכם חלף עבדתכם באהל מועד
32 vnumber="32"> css="font-weight:bold"> לב ולא תשאו עליו חטא בהרימכם את חלבו ממנו ואת קדשי בני ישראל לא תחללו ולא תמותו {פ} art="x-p"/>