1 א למנצח בנגינות על-השמינית מזמור לדוד
2 ב יהוה אל-באפך תוכיחני ואל-בחמתך תיסרני
3 ג חנני יהוה כי אמלל-אני רפאני יהוה--כי נבהלו עצמי
4 ד ונפשי נבהלה מאד ואת (ואתה) יהוה עד-מתי
5 ה שובה יהוה חלצה נפשי הושיעני למען חסדך
6 ו כי אין במות זכרך בשאול מי יודה-לך
7 ז יגעתי באנחתי--אשחה בכל-לילה מטתי בדמעתי ערשי אמסה
8 ח עששה מכעס עיני עתקה בכל-צוררי
9 ט סורו ממני כל-פעלי און כי-שמע יהוה קול בכיי
10 י שמע יהוה תחנתי יהוה תפלתי יקח ( ) יא יבשו ויבהלו מאד--כל-איבי ישבו יבשו רגע