1 vnumber="1"> משכיל לאסף br למה אלהים זנחת לנצח יעשן אפך בצאן מרעיתך br
2 vnumber="2"> זכר עדתך קנית קדם-- גאלת שבט נחלתך br הר-ציון זה שכנת בו br
3 vnumber="3"> הרימה פעמיך למשאות נצח כל-הרע אויב בקדש br
4 vnumber="4"> שאגו צרריך בקרב מועדך שמו אותתם אתות br
5 vnumber="5"> יודע כמביא למעלה בסבך-עץ קרדמות br
6 vnumber="6"> ועת (ועתה) פתוחיה יחד-- בכשיל וכילפות יהלמון br
7 vnumber="7"> שלחו באש מקדשך לארץ חללו משכן-שמך br
8 vnumber="8"> אמרו בלבם נינם יחד שרפו כל-מועדי-אל בארץ br
9 vnumber="9"> אותתינו לא ראינו אין-עוד נביא ולא-אתנו ידע עד-מה br
10 vnumber="10"> עד-מתי אלהים יחרף צר ינאץ אויב שמך לנצח br
11 vnumber="11"> למה תשיב ידך וימינך מקרב חוקך (חיקך) כלה br
12 vnumber="12"> ואלהים מלכי מקדם פעל ישועות בקרב הארץ br
13 vnumber="13"> אתה פוררת בעזך ים שברת ראשי תנינים על-המים br
14 vnumber="14"> אתה רצצת ראשי לויתן תתננו מאכל לעם לציים br
15 vnumber="15"> אתה בקעת מעין ונחל אתה הובשת נהרות איתן br
16 vnumber="16"> לך יום אף-לך לילה אתה הכינות מאור ושמש br
17 vnumber="17"> אתה הצבת כל-גבולות ארץ קיץ וחרף אתה יצרתם br
18 vnumber="18"> זכר-זאת--אויב חרף יהוה ועם נבל נאצו שמך br
19 vnumber="19"> אל-תתן לחית נפש תורך חית ענייך אל-תשכח לנצח br
20 vnumber="20"> הבט לברית כי מלאו מחשכי-ארץ נאות חמס br
21 vnumber="21"> אל-ישב דך נכלם עני ואביון יהללו שמך br
22 vnumber="22"> קומה אלהים ריבה ריבך זכר חרפתך מני-נבל כל-היום br
23 vnumber="23"> אל-תשכח קול צרריך שאון קמיך עלה תמיד
art="x-p"/>