1 vnumber="1"> ויהי המלך שלמה מלך על כל ישראל {ס}
2 vnumber="2"> ואלה השרים אשר לו עזריהו בן צדוק הכהן {ס}
3 vnumber="3"> אליחרף ואחיה בני שישא ספרים {ס} יהושפט בן אחילוד המזכיר {ס}
4 vnumber="4"> ובניהו בן יהוידע על הצבא {ס} וצדוק ואביתר כהנים {ס}
5 vnumber="5"> ועזריהו בן נתן על הנצבים {ס} וזבוד בן נתן כהן רעה המלך {ס}
6 vnumber="6"> ואחישר על הבית {ס} ואדנירם בן עבדא על המס {ס}
7 vnumber="7"> ולשלמה שנים עשר נצבים על כל ישראל וכלכלו את המלך ואת ביתו חדש בשנה יהיה על אחד (האחד) לכלכל {ס}
8 vnumber="8"> ואלה שמותם בן חור בהר אפרים {ס}
9 vnumber="9"> בן דקר במקץ ובשעלבים ובית שמש ואילון בית חנן {ס}
10 vnumber="10"> בן חסד בארבות לו שכה וכל ארץ חפר {ס}
11 vnumber="11"> בן אבינדב כל נפת דאר טפת בת שלמה היתה לו לאשה {ס}
12 vnumber="12"> בענא בן אחילוד תענך ומגדו וכל בית שאן אשר אצל צרתנה מתחת ליזרעאל מבית שאן עד אבל מחולה עד מעבר ליקמעם {ס}
13 vnumber="13"> בן גבר ברמת גלעד לו חות יאיר בן מנשה אשר בגלעד לו חבל ארגב אשר בבשן--ששים ערים גדלות חומה ובריח נחשת {ס}
14 vnumber="14"> אחינדב בן עדא מחנימה {ס}
15 vnumber="15"> אחימעץ בנפתלי גם הוא לקח את בשמת בת שלמה--לאשה {ס}
16 vnumber="16"> בענא בן חושי באשר ובעלות {ס}
17 vnumber="17"> יהושפט בן פרוח ביששכר {ס}
18 vnumber="18"> שמעי בן אלא בבנימן {ס}
19 vnumber="19"> גבר בן ארי בארץ גלעד--ארץ סיחון מלך האמרי ועג מלך הבשן ונציב אחד אשר בארץ
20 vnumber="20"> יהודה וישראל רבים כחול אשר על הים לרב אכלים ושתים ושמחים
art="x-p"/>