1 vnumber="1"> שמעו את הדבר הזה אשר דבר יהוה עליכם--בני ישראל על כל המשפחה אשר העליתי מארץ מצרים לאמר
2 vnumber="2"> רק אתכם ידעתי מכל משפחות האדמה על כן אפקד עליכם את כל עונתיכם
3 vnumber="3"> הילכו שנים יחדו בלתי אם נועדו
4 vnumber="4"> הישאג אריה ביער וטרף אין לו היתן כפיר קולו ממענתו בלתי אם לכד
5 vnumber="5"> התפל צפור על פח הארץ ומוקש אין לה היעלה פח מן האדמה ולכוד לא ילכוד
6 vnumber="6"> אם יתקע שופר בעיר ועם לא יחרדו אם תהיה רעה בעיר ויהוה לא עשה
7 vnumber="7"> כי לא יעשה אדני יהוה דבר כי אם גלה סודו אל עבדיו הנביאים
8 vnumber="8"> אריה שאג מי לא יירא אדני יהוה דבר מי לא ינבא
9 vnumber="9"> השמיעו על ארמנות באשדוד ועל ארמנות בארץ מצרים ואמרו האספו על הרי שמרון וראו מהומת רבות בתוכה ועשוקים בקרבה
10 vnumber="10"> ולא ידעו עשות נכחה נאם יהוה האוצרים חמס ושד בארמנותיהם {פ}
art="x-p"/>
11 vnumber="11"> לכן כה אמר אדני יהוה צר וסביב הארץ והוריד ממך עזך ונבזו ארמנותיך
12 vnumber="12"> כה אמר יהוה כאשר יציל הרעה מפי הארי שתי כרעים או בדל אזן--כן ינצלו בני ישראל הישבים בשמרון בפאת מטה ובדמשק ערש
13 vnumber="13"> שמעו והעידו בבית יעקב--נאם אדני יהוה אלהי הצבאות
14 vnumber="14"> כי ביום פקדי פשעי ישראל--עליו ופקדתי על מזבחות בית אל ונגדעו קרנות המזבח ונפלו לארץ
15 vnumber="15"> והכיתי בית החרף על בית הקיץ ואבדו בתי השן וספו בתים רבים--נאם יהוה {ס}
art="x-p"/>