1 vnumber="1"> css="font-weight:bold"> א שמעו את הדבר הזה אשר דבר יהוה עליכם--בני ישראל על כל המשפחה אשר העליתי מארץ מצרים לאמר
2 vnumber="2"> css="font-weight:bold"> ב רק אתכם ידעתי מכל משפחות האדמה על כן אפקד עליכם את כל עונתיכם
3 vnumber="3"> css="font-weight:bold"> ג הילכו שנים יחדו בלתי אם נועדו
4 vnumber="4"> css="font-weight:bold"> ד הישאג אריה ביער וטרף אין לו היתן כפיר קולו ממענתו בלתי אם לכד
5 vnumber="5"> css="font-weight:bold"> ה התפל צפור על פח הארץ ומוקש אין לה היעלה פח מן האדמה ולכוד לא ילכוד
6 vnumber="6"> css="font-weight:bold"> ו אם יתקע שופר בעיר ועם לא יחרדו אם תהיה רעה בעיר ויהוה לא עשה
7 vnumber="7"> css="font-weight:bold"> ז כי לא יעשה אדני יהוה דבר כי אם גלה סודו אל עבדיו הנביאים
8 vnumber="8"> css="font-weight:bold"> ח אריה שאג מי לא יירא אדני יהוה דבר מי לא ינבא
9 vnumber="9"> css="font-weight:bold"> ט השמיעו על ארמנות באשדוד ועל ארמנות בארץ מצרים ואמרו האספו על הרי שמרון וראו מהומת רבות בתוכה ועשוקים בקרבה
10 vnumber="10"> css="font-weight:bold"> י ולא ידעו עשות נכחה נאם יהוה האוצרים חמס ושד בארמנותיהם {פ} art="x-p"/>
11 vnumber="11"> css="font-weight:bold"> יא לכן כה אמר אדני יהוה צר וסביב הארץ והוריד ממך עזך ונבזו ארמנותיך
12 vnumber="12"> css="font-weight:bold"> יב כה אמר יהוה כאשר יציל הרעה מפי הארי שתי כרעים או בדל אזן--כן ינצלו בני ישראל הישבים בשמרון בפאת מטה ובדמשק ערש
13 vnumber="13"> css="font-weight:bold"> יג שמעו והעידו בבית יעקב--נאם אדני יהוה אלהי הצבאות
14 vnumber="14"> css="font-weight:bold"> יד כי ביום פקדי פשעי ישראל--עליו ופקדתי על מזבחות בית אל ונגדעו קרנות המזבח ונפלו לארץ
15 vnumber="15"> css="font-weight:bold"> טו והכיתי בית החרף על בית הקיץ ואבדו בתי השן וספו בתים רבים--נאם יהוה {ס} art="x-p"/>