1 vnumber="1"> css="font-weight:bold"> א שמע ישראל אתה עבר היום את הירדן לבא לרשת גוים גדלים ועצמים ממך--ערים גדלת ובצרת בשמים
2 vnumber="2"> css="font-weight:bold"> ב עם גדול ורם בני ענקים אשר אתה ידעת ואתה שמעת--מי יתיצב לפני בני ענק
3 vnumber="3"> css="font-weight:bold"> ג וידעת היום כי יהוה אלהיך הוא העבר לפניך אש אכלה--הוא ישמידם והוא יכניעם לפניך והורשתם והאבדתם מהר כאשר דבר יהוה לך
4 vnumber="4"> css="font-weight:bold"> ד אל תאמר בלבבך בהדף יהוה אלהיך אתם מלפניך לאמר בצדקתי הביאני יהוה לרשת את הארץ הזאת וברשעת הגוים האלה יהוה מורישם מפניך
5 vnumber="5"> css="font-weight:bold"> ה לא בצדקתך ובישר לבבך אתה בא לרשת את ארצם כי ברשעת הגוים האלה יהוה אלהיך מורישם מפניך ולמען הקים את הדבר אשר נשבע יהוה לאבתיך לאברהם ליצחק וליעקב
6 vnumber="6"> css="font-weight:bold"> ו וידעת כי לא בצדקתך יהוה אלהיך נתן לך את הארץ הטובה הזאת--לרשתה כי עם קשה ערף אתה
7 vnumber="7"> css="font-weight:bold"> ז זכר אל תשכח את אשר הקצפת את יהוה אלהיך במדבר למן היום אשר יצאת מארץ מצרים עד באכם עד המקום הזה ממרים הייתם עם יהוה
8 vnumber="8"> css="font-weight:bold"> ח ובחרב הקצפתם את יהוה ויתאנף יהוה בכם להשמיד אתכם
9 vnumber="9"> css="font-weight:bold"> ט בעלתי ההרה לקחת לוחת האבנים לוחת הברית אשר כרת יהוה עמכם ואשב בהר ארבעים יום וארבעים לילה--לחם לא אכלתי ומים לא שתיתי
10 vnumber="10"> css="font-weight:bold"> י ויתן יהוה אלי את שני לוחת האבנים--כתבים באצבע אלהים ועליהם ככל הדברים אשר דבר יהוה עמכם בהר מתוך האש--ביום הקהל
11 vnumber="11"> css="font-weight:bold"> יא ויהי מקץ ארבעים יום וארבעים לילה נתן יהוה אלי את שני לחת האבנים--לחות הברית
12 vnumber="12"> css="font-weight:bold"> יב ויאמר יהוה אלי קום רד מהר מזה--כי שחת עמך אשר הוצאת ממצרים סרו מהר מן הדרך אשר צויתם--עשו להם מסכה
13 vnumber="13"> css="font-weight:bold"> יג ויאמר יהוה אלי לאמר ראיתי את העם הזה והנה עם קשה ערף הוא
14 vnumber="14"> css="font-weight:bold"> יד הרף ממני ואשמידם ואמחה את שמם מתחת השמים ואעשה אותך לגוי עצום ורב ממנו
15 vnumber="15"> css="font-weight:bold"> טו ואפן וארד מן ההר וההר בער באש ושני לוחת הברית על שתי ידי
16 vnumber="16"> css="font-weight:bold"> טז וארא והנה חטאתם ליהוה אלהיכם--עשיתם לכם עגל מסכה סרתם מהר--מן הדרך אשר צוה יהוה אתכם
17 vnumber="17"> css="font-weight:bold"> יז ואתפש בשני הלחת ואשלכם מעל שתי ידי ואשברם לעיניכם
18 vnumber="18"> css="font-weight:bold"> יח ואתנפל לפני יהוה כראשנה ארבעים יום וארבעים לילה--לחם לא אכלתי ומים לא שתיתי על כל חטאתכם אשר חטאתם לעשות הרע בעיני יהוה להכעיסו
19 vnumber="19"> css="font-weight:bold"> יט כי יגרתי מפני האף והחמה אשר קצף יהוה עליכם להשמיד אתכם וישמע יהוה אלי גם בפעם ההוא
20 vnumber="20"> css="font-weight:bold"> כ ובאהרן התאנף יהוה מאד--להשמידו ואתפלל גם בעד אהרן בעת ההוא
21 vnumber="21"> css="font-weight:bold"> כא ואת חטאתכם אשר עשיתם את העגל לקחתי ואשרף אתו באש ואכת אתו טחון היטב עד אשר דק לעפר ואשלך את עפרו אל הנחל הירד מן ההר
22 vnumber="22"> css="font-weight:bold"> כב ובתבערה ובמסה ובקברת התאוה--מקצפים הייתם את יהוה
23 vnumber="23"> css="font-weight:bold"> כג ובשלח יהוה אתכם מקדש ברנע לאמר עלו ורשו את הארץ אשר נתתי לכם ותמרו את פי יהוה אלהיכם ולא האמנתם לו ולא שמעתם בקלו
24 vnumber="24"> css="font-weight:bold"> כד ממרים הייתם עם יהוה מיום דעתי אתכם
25 vnumber="25"> css="font-weight:bold"> כה ואתנפל לפני יהוה את ארבעים היום ואת ארבעים הלילה--אשר התנפלתי כי אמר יהוה להשמיד אתכם
26 vnumber="26"> css="font-weight:bold"> כו ואתפלל אל יהוה ואמר אדני יהוה אל תשחת עמך ונחלתך אשר פדית בגדלך--אשר הוצאת ממצרים ביד חזקה
27 vnumber="27"> css="font-weight:bold"> כז זכר לעבדיך--לאברהם ליצחק וליעקב אל תפן אל קשי העם הזה ואל רשעו ואל חטאתו
28 vnumber="28"> css="font-weight:bold"> כח פן יאמרו הארץ אשר הוצאתנו משם מבלי יכלת יהוה להביאם אל הארץ אשר דבר להם ומשנאתו אותם הוציאם להמתם במדבר
29 vnumber="29"> css="font-weight:bold"> כט והם עמך ונחלתך אשר הוצאת בכחך הגדל ובזרעך הנטויה {פ} art="x-p"/>