1 vnumber="1"> css="font-weight:bold"> א ויאמר אלי--בן אדם את אשר תמצא אכול אכול את המגלה הזאת ולך דבר אל בית ישראל
2 vnumber="2"> css="font-weight:bold"> ב ואפתח את פי ויאכילני את המגלה הזאת
3 vnumber="3"> css="font-weight:bold"> ג ויאמר אלי בן אדם בטנך תאכל ומעיך תמלא את המגלה הזאת אשר אני נתן אליך ואכלה ותהי בפי כדבש למתוק {פ} art="x-p"/>
4 vnumber="4"> css="font-weight:bold"> ד ויאמר אלי בן אדם לך בא אל בית ישראל ודברת בדברי אליהם
5 vnumber="5"> css="font-weight:bold"> ה כי לא אל עם עמקי שפה וכבדי לשון--אתה שלוח אל בית ישראל
6 vnumber="6"> css="font-weight:bold"> ו לא אל עמים רבים עמקי שפה וכבדי לשון אשר לא תשמע דבריהם אם לא אליהם שלחתיך המה ישמעו אליך
7 vnumber="7"> css="font-weight:bold"> ז ובית ישראל לא יאבו לשמע אליך--כי אינם אבים לשמע אלי כי כל בית ישראל חזקי מצח וקשי לב המה
8 vnumber="8"> css="font-weight:bold"> ח הנה נתתי את פניך חזקים לעמת פניהם ואת מצחך חזק לעמת מצחם
9 vnumber="9"> css="font-weight:bold"> ט כשמיר חזק מצר נתתי מצחך לא תירא אותם ולא תחת מפניהם כי בית מרי המה {פ} art="x-p"/>
10 vnumber="10"> css="font-weight:bold"> י ויאמר אלי בן אדם--את כל דברי אשר אדבר אליך קח בלבבך ובאזניך שמע
11 vnumber="11"> css="font-weight:bold"> יא ולך בא אל הגולה אל בני עמך ודברת אליהם ואמרת אליהם כה אמר אדני יהוה אם ישמעו ואם יחדלו
12 vnumber="12"> css="font-weight:bold"> יב ותשאני רוח--ואשמע אחרי קול רעש גדול ברוך כבוד יהוה ממקומו
13 vnumber="13"> css="font-weight:bold"> יג וקול כנפי החיות משיקות אשה אל אחותה וקול האופנים לעמתם וקול רעש גדול
14 vnumber="14"> css="font-weight:bold"> יד ורוח נשאתני ותקחני ואלך מר בחמת רוחי ויד יהוה עלי חזקה
15 vnumber="15"> css="font-weight:bold"> טו ואבוא אל הגולה תל אביב הישבים אל נהר כבר ואשר (ואשב)--המה יושבים שם ואשב שם שבעת ימים משמים בתוכם
16 vnumber="16"> css="font-weight:bold"> טז ויהי מקצה שבעת ימים {פ} br br ויהי דבר יהוה אלי לאמר
17 vnumber="17"> css="font-weight:bold"> יז בן אדם צפה נתתיך לבית ישראל ושמעת מפי דבר והזהרת אותם ממני
18 vnumber="18"> css="font-weight:bold"> יח באמרי לרשע מות תמות ולא הזהרתו ולא דברת להזהיר רשע מדרכו הרשעה לחיתו--הוא רשע בעונו ימות ודמו מידך אבקש
19 vnumber="19"> css="font-weight:bold"> יט ואתה כי הזהרת רשע ולא שב מרשעו ומדרכו הרשעה--הוא בעונו ימות ואתה את נפשך הצלת
20 vnumber="20"> css="font-weight:bold"> כ ובשוב צדיק מצדקו ועשה עול ונתתי מכשול לפניו הוא ימות כי לא הזהרתו בחטאתו ימות ולא תזכרן צדקתו אשר עשה ודמו מידך אבקש
21 vnumber="21"> css="font-weight:bold"> כא ואתה כי הזהרתו צדיק לבלתי חטא צדיק--והוא לא חטא חיו יחיה כי נזהר ואתה את נפשך הצלת {פ} art="x-p"/>
22 vnumber="22"> css="font-weight:bold"> כב ותהי עלי שם יד יהוה ויאמר אלי קום צא אל הבקעה ושם אדבר אותך
23 vnumber="23"> css="font-weight:bold"> כג ואקום ואצא אל הבקעה והנה שם כבוד יהוה עמד ככבוד אשר ראיתי על נהר כבר ואפל על פני
24 vnumber="24"> css="font-weight:bold"> כד ותבא בי רוח ותעמדני על רגלי וידבר אתי ויאמר אלי בא הסגר בתוך ביתך
25 vnumber="25"> css="font-weight:bold"> כה ואתה בן אדם הנה נתנו עליך עבותים ואסרוך בהם ולא תצא בתוכם
26 vnumber="26"> css="font-weight:bold"> כו ולשונך אדביק אל חכך ונאלמת ולא תהיה להם לאיש מוכיח כי בית מרי המה
27 vnumber="27"> css="font-weight:bold"> כז ובדברי אותך אפתח את פיך ואמרת אליהם כה אמר אדני יהוה השמע ישמע והחדל יחדל כי בית מרי המה {פ} art="x-p"/>