1 vnumber="1"> css="font-weight:bold"> א ויאמר יהוה אל אברם לך לך מארצך וממולדתך ומבית אביך אל הארץ אשר אראך
2 vnumber="2"> css="font-weight:bold"> ב ואעשך לגוי גדול ואברכך ואגדלה שמך והיה ברכה
3 vnumber="3"> css="font-weight:bold"> ג ואברכה מברכיך ומקללך אאר ונברכו בך כל משפחת האדמה
4 vnumber="4"> css="font-weight:bold"> ד וילך אברם כאשר דבר אליו יהוה וילך אתו לוט ואברם בן חמש שנים ושבעים שנה בצאתו מחרן
5 vnumber="5"> css="font-weight:bold"> ה ויקח אברם את שרי אשתו ואת לוט בן אחיו ואת כל רכושם אשר רכשו ואת הנפש אשר עשו בחרן ויצאו ללכת ארצה כנען ויבאו ארצה כנען
6 vnumber="6"> css="font-weight:bold"> ו ויעבר אברם בארץ עד מקום שכם עד אלון מורה והכנעני אז בארץ
7 vnumber="7"> css="font-weight:bold"> ז וירא יהוה אל אברם ויאמר לזרעך אתן את הארץ הזאת ויבן שם מזבח ליהוה הנראה אליו
8 vnumber="8"> css="font-weight:bold"> ח ויעתק משם ההרה מקדם לבית אל--ויט אהלה בית אל מים והעי מקדם ויבן שם מזבח ליהוה ויקרא בשם יהוה
9 vnumber="9"> css="font-weight:bold"> ט ויסע אברם הלוך ונסוע הנגבה {פ} art="x-p"/>
10 vnumber="10"> css="font-weight:bold"> י ויהי רעב בארץ וירד אברם מצרימה לגור שם כי כבד הרעב בארץ
11 vnumber="11"> css="font-weight:bold"> יא ויהי כאשר הקריב לבוא מצרימה ויאמר אל שרי אשתו הנה נא ידעתי כי אשה יפת מראה את
12 vnumber="12"> css="font-weight:bold"> יב והיה כי יראו אתך המצרים ואמרו אשתו זאת והרגו אתי ואתך יחיו
13 vnumber="13"> css="font-weight:bold"> יג אמרי נא אחתי את--למען ייטב לי בעבורך וחיתה נפשי בגללך
14 vnumber="14"> css="font-weight:bold"> יד ויהי כבוא אברם מצרימה ויראו המצרים את האשה כי יפה הוא מאד
15 vnumber="15"> css="font-weight:bold"> טו ויראו אתה שרי פרעה ויהללו אתה אל פרעה ותקח האשה בית פרעה
16 vnumber="16"> css="font-weight:bold"> טז ולאברם היטיב בעבורה ויהי לו צאן ובקר וחמרים ועבדים ושפחת ואתנת וגמלים
17 vnumber="17"> css="font-weight:bold"> יז וינגע יהוה את פרעה נגעים גדלים ואת ביתו על דבר שרי אשת אברם
18 vnumber="18"> css="font-weight:bold"> יח ויקרא פרעה לאברם ויאמר מה זאת עשית לי למה לא הגדת לי כי אשתך הוא
19 vnumber="19"> css="font-weight:bold"> יט למה אמרת אחתי הוא ואקח אתה לי לאשה ועתה הנה אשתך קח ולך
20 vnumber="20"> css="font-weight:bold"> כ ויצו עליו פרעה אנשים וישלחו אתו ואת אשתו ואת כל אשר לו art="x-p"/>