1 vnumber="1"> ויאמר יהוה אל אברם לך לך מארצך וממולדתך ומבית אביך אל הארץ אשר אראך
2 vnumber="2"> ואעשך לגוי גדול ואברכך ואגדלה שמך והיה ברכה
3 vnumber="3"> ואברכה מברכיך ומקללך אאר ונברכו בך כל משפחת האדמה
4 vnumber="4"> וילך אברם כאשר דבר אליו יהוה וילך אתו לוט ואברם בן חמש שנים ושבעים שנה בצאתו מחרן
5 vnumber="5"> ויקח אברם את שרי אשתו ואת לוט בן אחיו ואת כל רכושם אשר רכשו ואת הנפש אשר עשו בחרן ויצאו ללכת ארצה כנען ויבאו ארצה כנען
6 vnumber="6"> ויעבר אברם בארץ עד מקום שכם עד אלון מורה והכנעני אז בארץ
7 vnumber="7"> וירא יהוה אל אברם ויאמר לזרעך אתן את הארץ הזאת ויבן שם מזבח ליהוה הנראה אליו
8 vnumber="8"> ויעתק משם ההרה מקדם לבית אל--ויט אהלה בית אל מים והעי מקדם ויבן שם מזבח ליהוה ויקרא בשם יהוה
9 vnumber="9"> ויסע אברם הלוך ונסוע הנגבה {פ}
art="x-p"/>
10 vnumber="10"> ויהי רעב בארץ וירד אברם מצרימה לגור שם כי כבד הרעב בארץ
11 vnumber="11"> ויהי כאשר הקריב לבוא מצרימה ויאמר אל שרי אשתו הנה נא ידעתי כי אשה יפת מראה את
12 vnumber="12"> והיה כי יראו אתך המצרים ואמרו אשתו זאת והרגו אתי ואתך יחיו
13 vnumber="13"> אמרי נא אחתי את--למען ייטב לי בעבורך וחיתה נפשי בגללך
14 vnumber="14"> ויהי כבוא אברם מצרימה ויראו המצרים את האשה כי יפה הוא מאד
15 vnumber="15"> ויראו אתה שרי פרעה ויהללו אתה אל פרעה ותקח האשה בית פרעה
16 vnumber="16"> ולאברם היטיב בעבורה ויהי לו צאן ובקר וחמרים ועבדים ושפחת ואתנת וגמלים
17 vnumber="17"> וינגע יהוה את פרעה נגעים גדלים ואת ביתו על דבר שרי אשת אברם
18 vnumber="18"> ויקרא פרעה לאברם ויאמר מה זאת עשית לי למה לא הגדת לי כי אשתך הוא
19 vnumber="19"> למה אמרת אחתי הוא ואקח אתה לי לאשה ועתה הנה אשתך קח ולך
20 vnumber="20"> ויצו עליו פרעה אנשים וישלחו אתו ואת אשתו ואת כל אשר לו
art="x-p"/>