1 vnumber="1"> css="font-weight:bold"> א ויהי אחרי הדברים האלה ויאמר ליוסף הנה אביך חלה ויקח את שני בניו עמו--את מנשה ואת אפרים
2 vnumber="2"> css="font-weight:bold"> ב ויגד ליעקב--ויאמר הנה בנך יוסף בא אליך ויתחזק ישראל וישב על המטה
3 vnumber="3"> css="font-weight:bold"> ג ויאמר יעקב אל יוסף אל שדי נראה אלי בלוז בארץ כנען ויברך אתי
4 vnumber="4"> css="font-weight:bold"> ד ויאמר אלי הנני מפרך והרביתך ונתתיך לקהל עמים ונתתי את הארץ הזאת לזרעך אחריך--אחזת עולם
5 vnumber="5"> css="font-weight:bold"> ה ועתה שני בניך הנולדים לך בארץ מצרים עד באי אליך מצרימה--לי הם אפרים ומנשה--כראובן ושמעון יהיו לי
6 vnumber="6"> css="font-weight:bold"> ו ומולדתך אשר הולדת אחריהם לך יהיו על שם אחיהם יקראו בנחלתם
7 vnumber="7"> css="font-weight:bold"> ז ואני בבאי מפדן מתה עלי רחל בארץ כנען בדרך בעוד כברת ארץ לבא אפרתה ואקברה שם בדרך אפרת הוא בית לחם
8 vnumber="8"> css="font-weight:bold"> ח וירא ישראל את בני יוסף ויאמר מי אלה
9 vnumber="9"> css="font-weight:bold"> ט ויאמר יוסף אל אביו בני הם אשר נתן לי אלהים בזה ויאמר קחם נא אלי ואברכם
10 vnumber="10"> css="font-weight:bold"> י ועיני ישראל כבדו מזקן לא יוכל לראות ויגש אתם אליו וישק להם ויחבק להם
11 vnumber="11"> css="font-weight:bold"> יא ויאמר ישראל אל יוסף ראה פניך לא פללתי והנה הראה אתי אלהים גם את זרעך
12 vnumber="12"> css="font-weight:bold"> יב ויוצא יוסף אתם מעם ברכיו וישתחו לאפיו ארצה
13 vnumber="13"> css="font-weight:bold"> יג ויקח יוסף את שניהם--את אפרים בימינו משמאל ישראל ואת מנשה בשמאלו מימין ישראל ויגש אליו
14 vnumber="14"> css="font-weight:bold"> יד וישלח ישראל את ימינו וישת על ראש אפרים והוא הצעיר ואת שמאלו על ראש מנשה שכל את ידיו כי מנשה הבכור
15 vnumber="15"> css="font-weight:bold"> טו ויברך את יוסף ויאמר האלהים אשר התהלכו אבתי לפניו אברהם ויצחק--האלהים הרעה אתי מעודי עד היום הזה
16 vnumber="16"> css="font-weight:bold"> טז המלאך הגאל אתי מכל רע יברך את הנערים ויקרא בהם שמי ושם אבתי אברהם ויצחק וידגו לרב בקרב הארץ
17 vnumber="17"> css="font-weight:bold"> יז וירא יוסף כי ישית אביו יד ימינו על ראש אפרים--וירע בעיניו ויתמך יד אביו להסיר אתה מעל ראש אפרים--על ראש מנשה
18 vnumber="18"> css="font-weight:bold"> יח ויאמר יוסף אל אביו לא כן אבי כי זה הבכר שים ימינך על ראשו
19 vnumber="19"> css="font-weight:bold"> יט וימאן אביו ויאמר ידעתי בני ידעתי--גם הוא יהיה לעם וגם הוא יגדל ואולם אחיו הקטן יגדל ממנו וזרעו יהיה מלא הגוים
20 vnumber="20"> css="font-weight:bold"> כ ויברכם ביום ההוא לאמור בך יברך ישראל לאמר ישמך אלהים כאפרים וכמנשה וישם את אפרים לפני מנשה
21 vnumber="21"> css="font-weight:bold"> כא ויאמר ישראל אל יוסף הנה אנכי מת והיה אלהים עמכם והשיב אתכם אל ארץ אבתיכם
22 vnumber="22"> css="font-weight:bold"> כב ואני נתתי לך שכם אחד--על אחיך אשר לקחתי מיד האמרי בחרבי ובקשתי {פ} art="x-p"/>