1 vnumber="1"> css="font-weight:bold"> א ויהי מימים בימי קציר חטים ויפקד שמשון את אשתו בגדי עזים ויאמר אבאה אל אשתי החדרה ולא נתנו אביה לבוא
2 vnumber="2"> css="font-weight:bold"> ב ויאמר אביה אמר אמרתי כי שנא שנאתה ואתננה למרעך הלא אחותה הקטנה טובה ממנה תהי נא לך תחתיה
3 vnumber="3"> css="font-weight:bold"> ג ויאמר להם שמשון נקיתי הפעם מפלשתים כי עשה אני עמם רעה
4 vnumber="4"> css="font-weight:bold"> ד וילך שמשון וילכד שלש מאות שועלים ויקח לפדים ויפן זנב אל זנב וישם לפיד אחד בין שני הזנבות בתוך
5 vnumber="5"> css="font-weight:bold"> ה ויבער אש בלפידים וישלח בקמות פלשתים ויבער מגדיש ועד קמה ועד כרם זית
6 vnumber="6"> css="font-weight:bold"> ו ויאמרו פלשתים מי עשה זאת ויאמרו שמשון חתן התמני כי לקח את אשתו ויתנה למרעהו ויעלו פלשתים וישרפו אותה ואת אביה באש
7 vnumber="7"> css="font-weight:bold"> ז ויאמר להם שמשון אם תעשון כזאת כי אם נקמתי בכם ואחר אחדל
8 vnumber="8"> css="font-weight:bold"> ח ויך אותם שוק על ירך מכה גדולה וירד וישב בסעיף סלע עיטם {פ} art="x-p"/>
9 vnumber="9"> css="font-weight:bold"> ט ויעלו פלשתים ויחנו ביהודה וינטשו בלחי
10 vnumber="10"> css="font-weight:bold"> י ויאמרו איש יהודה למה עליתם עלינו ויאמרו לאסור את שמשון עלינו לעשות לו כאשר עשה לנו
11 vnumber="11"> css="font-weight:bold"> יא וירדו שלשת אלפים איש מיהודה אל סעיף סלע עיטם ויאמרו לשמשון הלא ידעת כי משלים בנו פלשתים ומה זאת עשית לנו ויאמר להם--כאשר עשו לי כן עשיתי להם
12 vnumber="12"> css="font-weight:bold"> יב ויאמרו לו לאסרך ירדנו לתתך ביד פלשתים ויאמר להם שמשון השבעו לי פן תפגעון בי אתם
13 vnumber="13"> css="font-weight:bold"> יג ויאמרו לו לאמר לא כי אסר נאסרך ונתנוך בידם והמת לא נמיתך ויאסרהו בשנים עבתים חדשים ויעלוהו מן הסלע
14 vnumber="14"> css="font-weight:bold"> יד הוא בא עד לחי ופלשתים הריעו לקראתו ותצלח עליו רוח יהוה ותהיינה העבתים אשר על זרועותיו כפשתים אשר בערו באש וימסו אסוריו מעל ידיו
15 vnumber="15"> css="font-weight:bold"> טו וימצא לחי חמור טריה וישלח ידו ויקחה ויך בה אלף איש
16 vnumber="16"> css="font-weight:bold"> טז ויאמר שמשון--בלחי החמור חמור חמרתים בלחי החמור הכיתי אלף איש
17 vnumber="17"> css="font-weight:bold"> יז ויהי ככלתו לדבר וישלך הלחי מידו ויקרא למקום ההוא רמת לחי
18 vnumber="18"> css="font-weight:bold"> יח ויצמא מאד ויקרא אל יהוה ויאמר אתה נתת ביד עבדך את התשועה הגדלה הזאת ועתה אמות בצמא ונפלתי ביד הערלים
19 vnumber="19"> css="font-weight:bold"> יט ויבקע אלהים את המכתש אשר בלחי ויצאו ממנו מים וישת ותשב רוחו ויחי על כן קרא שמה עין הקורא אשר בלחי עד היום הזה
20 vnumber="20"> css="font-weight:bold"> כ וישפט את ישראל בימי פלשתים עשרים שנה {פ} art="x-p"/>