1 vnumber="1"> css="font-weight:bold"> א ואלה הגוים אשר הניח יהוה לנסות בם את ישראל את כל אשר לא ידעו את כל מלחמות כנען
2 vnumber="2"> css="font-weight:bold"> ב רק למען דעת דרות בני ישראל ללמדם מלחמה--רק אשר לפנים לא ידעום
3 vnumber="3"> css="font-weight:bold"> ג חמשת סרני פלשתים וכל הכנעני והצידני והחוי ישב הר הלבנון--מהר בעל חרמון עד לבוא חמת
4 vnumber="4"> css="font-weight:bold"> ד ויהיו לנסות בם את ישראל--לדעת הישמעו את מצות יהוה אשר צוה את אבותם ביד משה
5 vnumber="5"> css="font-weight:bold"> ה ובני ישראל ישבו בקרב הכנעני החתי והאמרי והפרזי והחוי והיבוסי
6 vnumber="6"> css="font-weight:bold"> ו ויקחו את בנותיהם להם לנשים ואת בנותיהם נתנו לבניהם ויעבדו את אלהיהם {פ} art="x-p"/>
7 vnumber="7"> css="font-weight:bold"> ז ויעשו בני ישראל את הרע בעיני יהוה וישכחו את יהוה אלהיהם ויעבדו את הבעלים ואת האשרות
8 vnumber="8"> css="font-weight:bold"> ח ויחר אף יהוה בישראל וימכרם ביד כושן רשעתים מלך ארם נהרים ויעבדו בני ישראל את כושן רשעתים שמנה שנים
9 vnumber="9"> css="font-weight:bold"> ט ויזעקו בני ישראל אל יהוה ויקם יהוה מושיע לבני ישראל וישיעם--את עתניאל בן קנז אחי כלב הקטן ממנו
10 vnumber="10"> css="font-weight:bold"> י ותהי עליו רוח יהוה וישפט את ישראל ויצא למלחמה ויתן יהוה בידו את כושן רשעתים מלך ארם ותעז ידו על כושן רשעתים
11 vnumber="11"> css="font-weight:bold"> יא ותשקט הארץ ארבעים שנה וימת עתניאל בן קנז {פ} art="x-p"/>
12 vnumber="12"> css="font-weight:bold"> יב ויספו בני ישראל לעשות הרע בעיני יהוה ויחזק יהוה את עגלון מלך מואב על ישראל על כי עשו את הרע בעיני יהוה
13 vnumber="13"> css="font-weight:bold"> יג ויאסף אליו את בני עמון ועמלק וילך ויך את ישראל ויירשו את עיר התמרים
14 vnumber="14"> css="font-weight:bold"> יד ויעבדו בני ישראל את עגלון מלך מואב שמונה עשרה שנה
15 vnumber="15"> css="font-weight:bold"> טו ויזעקו בני ישראל אל יהוה ויקם יהוה להם מושיע את אהוד בן גרא בן הימיני איש אטר יד ימינו וישלחו בני ישראל בידו מנחה לעגלון מלך מואב
16 vnumber="16"> css="font-weight:bold"> טז ויעש לו אהוד חרב ולה שני פיות--גמד ארכה ויחגר אותה מתחת למדיו על ירך ימינו
17 vnumber="17"> css="font-weight:bold"> יז ויקרב את המנחה לעגלון מלך מואב ועגלון איש בריא מאד
18 vnumber="18"> css="font-weight:bold"> יח ויהי כאשר כלה להקריב את המנחה וישלח את העם נשאי המנחה
19 vnumber="19"> css="font-weight:bold"> יט והוא שב מן הפסילים אשר את הגלגל ויאמר דבר סתר לי אליך המלך ויאמר הס--ויצאו מעליו כל העמדים עליו
20 vnumber="20"> css="font-weight:bold"> כ ואהוד בא אליו והוא ישב בעלית המקרה אשר לו לבדו ויאמר אהוד דבר אלהים לי אליך ויקם מעל הכסא
21 vnumber="21"> css="font-weight:bold"> כא וישלח אהוד את יד שמאלו ויקח את החרב מעל ירך ימינו ויתקעה בבטנו
22 vnumber="22"> css="font-weight:bold"> כב ויבא גם הנצב אחר הלהב ויסגר החלב בעד הלהב--כי לא שלף החרב מבטנו ויצא הפרשדנה
23 vnumber="23"> css="font-weight:bold"> כג ויצא אהוד המסדרונה ויסגר דלתות העליה בעדו--ונעל
24 vnumber="24"> css="font-weight:bold"> כד והוא יצא ועבדיו באו ויראו והנה דלתות העליה נעלות ויאמרו אך מסיך הוא את רגליו בחדר המקרה
25 vnumber="25"> css="font-weight:bold"> כה ויחילו עד בוש והנה איננו פתח דלתות העליה ויקחו את המפתח ויפתחו והנה אדניהם נפל ארצה מת
26 vnumber="26"> css="font-weight:bold"> כו ואהוד נמלט עד התמהמהם והוא עבר את הפסילים וימלט השעירתה
27 vnumber="27"> css="font-weight:bold"> כז ויהי בבואו ויתקע בשופר בהר אפרים וירדו עמו בני ישראל מן ההר והוא לפניהם
28 vnumber="28"> css="font-weight:bold"> כח ויאמר אלהם רדפו אחרי כי נתן יהוה את איביכם את מואב בידכם וירדו אחריו וילכדו את מעברות הירדן למואב ולא נתנו איש לעבר
29 vnumber="29"> css="font-weight:bold"> כט ויכו את מואב בעת ההיא כעשרת אלפים איש--כל שמן וכל איש חיל ולא נמלט איש
30 vnumber="30"> css="font-weight:bold"> ל ותכנע מואב ביום ההוא תחת יד ישראל ותשקט הארץ שמונים שנה {פ} art="x-p"/>
31 vnumber="31"> css="font-weight:bold"> לא ואחריו היה שמגר בן ענת ויך את פלשתים שש מאות איש במלמד הבקר ויושע גם הוא את ישראל {פ} art="x-p"/>