1 vnumber="1"> css="font-weight:bold"> א ויספו בני ישראל לעשות הרע בעיני יהוה ואהוד מת
2 vnumber="2"> css="font-weight:bold"> ב וימכרם יהוה ביד יבין מלך כנען אשר מלך בחצור ושר צבאו סיסרא והוא יושב בחרשת הגוים
3 vnumber="3"> css="font-weight:bold"> ג ויצעקו בני ישראל אל יהוה כי תשע מאות רכב ברזל לו והוא לחץ את בני ישראל בחזקה עשרים שנה {פ} art="x-p"/>
4 vnumber="4"> css="font-weight:bold"> ד ודבורה אשה נביאה אשת לפידות--היא שפטה את ישראל בעת ההיא
5 vnumber="5"> css="font-weight:bold"> ה והיא יושבת תחת תמר דבורה בין הרמה ובין בית אל--בהר אפרים ויעלו אליה בני ישראל למשפט
6 vnumber="6"> css="font-weight:bold"> ו ותשלח ותקרא לברק בן אבינעם מקדש נפתלי ותאמר אליו הלא צוה יהוה אלהי ישראל לך ומשכת בהר תבור ולקחת עמך עשרת אלפים איש מבני נפתלי ומבני זבלון
7 vnumber="7"> css="font-weight:bold"> ז ומשכתי אליך אל נחל קישון את סיסרא שר צבא יבין ואת רכבו ואת המונו ונתתיהו בידך
8 vnumber="8"> css="font-weight:bold"> ח ויאמר אליה ברק אם תלכי עמי והלכתי ואם לא תלכי עמי לא אלך
9 vnumber="9"> css="font-weight:bold"> ט ותאמר הלך אלך עמך אפס כי לא תהיה תפארתך על הדרך אשר אתה הולך--כי ביד אשה ימכר יהוה את סיסרא ותקם דבורה ותלך עם ברק קדשה
10 vnumber="10"> css="font-weight:bold"> י ויזעק ברק את זבולן ואת נפתלי קדשה ויעל ברגליו עשרת אלפי איש ותעל עמו דבורה
11 vnumber="11"> css="font-weight:bold"> יא וחבר הקיני נפרד מקין מבני חבב חתן משה ויט אהלו עד אילון בצענים (בצעננים) אשר את קדש
12 vnumber="12"> css="font-weight:bold"> יב ויגדו לסיסרא כי עלה ברק בן אבינעם הר תבור
13 vnumber="13"> css="font-weight:bold"> יג ויזעק סיסרא את כל רכבו תשע מאות רכב ברזל ואת כל העם אשר אתו--מחרשת הגוים אל נחל קישון
14 vnumber="14"> css="font-weight:bold"> יד ותאמר דברה אל ברק קום כי זה היום אשר נתן יהוה את סיסרא בידך--הלא יהוה יצא לפניך וירד ברק מהר תבור ועשרת אלפים איש אחריו
15 vnumber="15"> css="font-weight:bold"> טו ויהם יהוה את סיסרא ואת כל הרכב ואת כל המחנה לפי חרב--לפני ברק וירד סיסרא מעל המרכבה וינס ברגליו
16 vnumber="16"> css="font-weight:bold"> טז וברק רדף אחרי הרכב ואחרי המחנה עד חרשת הגוים ויפל כל מחנה סיסרא לפי חרב--לא נשאר עד אחד
17 vnumber="17"> css="font-weight:bold"> יז וסיסרא נס ברגליו אל אהל יעל אשת חבר הקיני כי שלום בין יבין מלך חצור ובין בית חבר הקיני
18 vnumber="18"> css="font-weight:bold"> יח ותצא יעל לקראת סיסרא ותאמר אליו סורה אדני סורה אלי אל תירא ויסר אליה האהלה ותכסהו בשמיכה
19 vnumber="19"> css="font-weight:bold"> יט ויאמר אליה השקיני נא מעט מים כי צמאתי ותפתח את נאוד החלב ותשקהו--ותכסהו
20 vnumber="20"> css="font-weight:bold"> כ ויאמר אליה עמד פתח האהל והיה אם איש יבא ושאלך ואמר היש פה איש--ואמרת אין
21 vnumber="21"> css="font-weight:bold"> כא ותקח יעל אשת חבר את יתד האהל ותשם את המקבת בידה ותבוא אליו בלאט ותתקע את היתד ברקתו ותצנח בארץ והוא נרדם ויעף וימת
22 vnumber="22"> css="font-weight:bold"> כב והנה ברק רדף את סיסרא ותצא יעל לקראתו ותאמר לו לך ואראך את האיש אשר אתה מבקש ויבא אליה--והנה סיסרא נפל מת והיתד ברקתו
23 vnumber="23"> css="font-weight:bold"> כג ויכנע אלהים ביום ההוא את יבין מלך כנען לפני בני ישראל
24 vnumber="24"> css="font-weight:bold"> כד ותלך יד בני ישראל הלוך וקשה על יבין מלך כנען--עד אשר הכריתו את יבין מלך כנען {ש} art="x-p"/>