1 vnumber="1"> css="font-weight:bold"> א ויאמר בלעם אל בלק בנה לי בזה שבעה מזבחת והכן לי בזה שבעה פרים ושבעה אילים
2 vnumber="2"> css="font-weight:bold"> ב ויעש בלק כאשר דבר בלעם ויעל בלק ובלעם פר ואיל במזבח
3 vnumber="3"> css="font-weight:bold"> ג ויאמר בלעם לבלק התיצב על עלתך ואלכה אולי יקרה יהוה לקראתי ודבר מה יראני והגדתי לך וילך שפי
4 vnumber="4"> css="font-weight:bold"> ד ויקר אלהים אל בלעם ויאמר אליו את שבעת המזבחת ערכתי ואעל פר ואיל במזבח
5 vnumber="5"> css="font-weight:bold"> ה וישם יהוה דבר בפי בלעם ויאמר שוב אל בלק וכה תדבר
6 vnumber="6"> css="font-weight:bold"> ו וישב אליו והנה נצב על עלתו--הוא וכל שרי מואב
7 vnumber="7"> css="font-weight:bold"> ז וישא משלו ויאמר מן ארם ינחני בלק מלך מואב מהררי קדם--לכה ארה לי יעקב ולכה זעמה ישראל
8 vnumber="8"> css="font-weight:bold"> ח מה אקב לא קבה אל ומה אזעם לא זעם יהוה
9 vnumber="9"> css="font-weight:bold"> ט כי מראש צרים אראנו ומגבעות אשורנו הן עם לבדד ישכן ובגוים לא יתחשב
10 vnumber="10"> css="font-weight:bold"> י מי מנה עפר יעקב ומספר את רבע ישראל תמת נפשי מות ישרים ותהי אחריתי כמהו
11 vnumber="11"> css="font-weight:bold"> יא ויאמר בלק אל בלעם מה עשית לי לקב איבי לקחתיך והנה ברכת ברך
12 vnumber="12"> css="font-weight:bold"> יב ויען ויאמר הלא את אשר ישים יהוה בפי--אתו אשמר לדבר
13 vnumber="13"> css="font-weight:bold"> יג ויאמר אליו בלק לך נא אתי אל מקום אחר אשר תראנו משם--אפס קצהו תראה וכלו לא תראה וקבנו לי משם
14 vnumber="14"> css="font-weight:bold"> יד ויקחהו שדה צפים אל ראש הפסגה ויבן שבעה מזבחת ויעל פר ואיל במזבח
15 vnumber="15"> css="font-weight:bold"> טו ויאמר אל בלק התיצב כה על עלתך ואנכי אקרה כה
16 vnumber="16"> css="font-weight:bold"> טז ויקר יהוה אל בלעם וישם דבר בפיו ויאמר שוב אל בלק וכה תדבר
17 vnumber="17"> css="font-weight:bold"> יז ויבא אליו והנו נצב על עלתו ושרי מואב אתו ויאמר לו בלק מה דבר יהוה
18 vnumber="18"> css="font-weight:bold"> יח וישא משלו ויאמר קום בלק ושמע האזינה עדי בנו צפר
19 vnumber="19"> css="font-weight:bold"> יט לא איש אל ויכזב ובן אדם ויתנחם ההוא אמר ולא יעשה ודבר ולא יקימנה
20 vnumber="20"> css="font-weight:bold"> כ הנה ברך לקחתי וברך ולא אשיבנה
21 vnumber="21"> css="font-weight:bold"> כא לא הביט און ביעקב ולא ראה עמל בישראל יהוה אלהיו עמו ותרועת מלך בו
22 vnumber="22"> css="font-weight:bold"> כב אל מוציאם ממצרים--כתועפת ראם לו
23 vnumber="23"> css="font-weight:bold"> כג כי לא נחש ביעקב ולא קסם בישראל כעת יאמר ליעקב ולישראל מה פעל אל
24 vnumber="24"> css="font-weight:bold"> כד הן עם כלביא יקום וכארי יתנשא לא ישכב עד יאכל טרף ודם חללים ישתה
25 vnumber="25"> css="font-weight:bold"> כה ויאמר בלק אל בלעם גם קב לא תקבנו גם ברך לא תברכנו
26 vnumber="26"> css="font-weight:bold"> כו ויען בלעם ויאמר אל בלק הלא דברתי אליך לאמר כל אשר ידבר יהוה אתו אעשה
27 vnumber="27"> css="font-weight:bold"> כז ויאמר בלק אל בלעם לכה נא אקחך אל מקום אחר אולי יישר בעיני האלהים וקבתו לי משם
28 vnumber="28"> css="font-weight:bold"> כח ויקח בלק את בלעם ראש הפעור הנשקף על פני הישימן
29 vnumber="29"> css="font-weight:bold"> כט ויאמר בלעם אל בלק בנה לי בזה שבעה מזבחת והכן לי בזה שבעה פרים ושבעה אילם
30 vnumber="30"> css="font-weight:bold"> ל ויעש בלק כאשר אמר בלעם ויעל פר ואיל במזבח art="x-p"/>