1 vnumber="1"> שמעו את הדבר הזה אשר אנכי נשא עליכם קינה--בית ישראל
2 vnumber="2"> נפלה לא תוסיף קום בתולת ישראל נטשה על אדמתה אין מקימה
3 vnumber="3"> כי כה אמר אדני יהוה העיר היצאת אלף תשאיר מאה והיוצאת מאה תשאיר עשרה לבית ישראל
4 vnumber="4"> כי כה אמר יהוה לבית ישראל דרשוני וחיו
5 vnumber="5"> ואל תדרשו בית אל והגלגל לא תבאו ובאר שבע לא תעברו כי הגלגל גלה יגלה ובית אל יהיה לאון
6 vnumber="6"> דרשו את יהוה וחיו פן יצלח כאש בית יוסף ואכלה ואין מכבה לבית אל
7 vnumber="7"> ההפכים ללענה משפט וצדקה לארץ הניחו
8 vnumber="8"> עשה כימה וכסיל והפך לבקר צלמות ויום לילה החשיך הקורא למי הים וישפכם על פני הארץ--יהוה שמו
9 vnumber="9"> המבליג שד על עז ושד על מבצר יבוא
10 vnumber="10"> שנאו בשער מוכיח ודבר תמים יתעבו
11 vnumber="11"> לכן יען בושסכם על דל ומשאת בר תקחו ממנו--בתי גזית בניתם ולא תשבו בם כרמי חמד נטעתם ולא תשתו את יינם
12 vnumber="12"> כי ידעתי רבים פשעיכם ועצמים חטאתיכם צררי צדיק לקחי כפר ואביונים בשער הטו
13 vnumber="13"> לכן המשכיל בעת ההיא--ידם כי עת רעה היא
14 vnumber="14"> דרשו טוב ואל רע למען תחיו ויהי כן יהוה אלהי צבאות אתכם--כאשר אמרתם
15 vnumber="15"> שנאו רע ואהבו טוב והציגו בשער משפט אולי יחנן יהוה אלהי צבאות--שארית יוסף {ס}
art="x-p"/>
16 vnumber="16"> לכן כה אמר יהוה אלהי צבאות אדני בכל רחבות מספד ובכל חוצות יאמרו הו הו וקראו אכר אל אבל ומספד אל יודעי נהי
17 vnumber="17"> ובכל כרמים מספד כי אעבר בקרבך אמר יהוה {פ}
art="x-p"/>
18 vnumber="18"> הוי המתאוים את יום יהוה למה זה לכם יום יהוה הוא חשך ולא אור
19 vnumber="19"> כאשר ינוס איש מפני הארי ופגעו הדב ובא הבית--וסמך ידו על הקיר ונשכו הנחש
20 vnumber="20"> הלא חשך יום יהוה ולא אור ואפל ולא נגה לו
21 vnumber="21"> שנאתי מאסתי חגיכם ולא אריח בעצרתיכם
22 vnumber="22"> כי אם תעלו לי עלות ומנחתיכם לא ארצה ושלם מריאיכם לא אביט
23 vnumber="23"> הסר מעלי המון שריך וזמרת נבליך לא אשמע
24 vnumber="24"> ויגל כמים משפט וצדקה כנחל איתן
25 vnumber="25"> הזבחים ומנחה הגשתם לי במדבר ארבעים שנה--בית ישראל
26 vnumber="26"> ונשאתם את סכות מלככם ואת כיון צלמיכם--כוכב אלהיכם אשר עשיתם לכם
27 vnumber="27"> והגליתי אתכם מהלאה לדמשק אמר יהוה אלהי צבאות שמו {פ}
art="x-p"/>