1 vnumber="1"> css="font-weight:bold"> א שמעו את הדבר הזה אשר אנכי נשא עליכם קינה--בית ישראל
2 vnumber="2"> css="font-weight:bold"> ב נפלה לא תוסיף קום בתולת ישראל נטשה על אדמתה אין מקימה
3 vnumber="3"> css="font-weight:bold"> ג כי כה אמר אדני יהוה העיר היצאת אלף תשאיר מאה והיוצאת מאה תשאיר עשרה לבית ישראל
4 vnumber="4"> css="font-weight:bold"> ד כי כה אמר יהוה לבית ישראל דרשוני וחיו
5 vnumber="5"> css="font-weight:bold"> ה ואל תדרשו בית אל והגלגל לא תבאו ובאר שבע לא תעברו כי הגלגל גלה יגלה ובית אל יהיה לאון
6 vnumber="6"> css="font-weight:bold"> ו דרשו את יהוה וחיו פן יצלח כאש בית יוסף ואכלה ואין מכבה לבית אל
7 vnumber="7"> css="font-weight:bold"> ז ההפכים ללענה משפט וצדקה לארץ הניחו
8 vnumber="8"> css="font-weight:bold"> ח עשה כימה וכסיל והפך לבקר צלמות ויום לילה החשיך הקורא למי הים וישפכם על פני הארץ--יהוה שמו
9 vnumber="9"> css="font-weight:bold"> ט המבליג שד על עז ושד על מבצר יבוא
10 vnumber="10"> css="font-weight:bold"> י שנאו בשער מוכיח ודבר תמים יתעבו
11 vnumber="11"> css="font-weight:bold"> יא לכן יען בושסכם על דל ומשאת בר תקחו ממנו--בתי גזית בניתם ולא תשבו בם כרמי חמד נטעתם ולא תשתו את יינם
12 vnumber="12"> css="font-weight:bold"> יב כי ידעתי רבים פשעיכם ועצמים חטאתיכם צררי צדיק לקחי כפר ואביונים בשער הטו
13 vnumber="13"> css="font-weight:bold"> יג לכן המשכיל בעת ההיא--ידם כי עת רעה היא
14 vnumber="14"> css="font-weight:bold"> יד דרשו טוב ואל רע למען תחיו ויהי כן יהוה אלהי צבאות אתכם--כאשר אמרתם
15 vnumber="15"> css="font-weight:bold"> טו שנאו רע ואהבו טוב והציגו בשער משפט אולי יחנן יהוה אלהי צבאות--שארית יוסף {ס} art="x-p"/>
16 vnumber="16"> css="font-weight:bold"> טז לכן כה אמר יהוה אלהי צבאות אדני בכל רחבות מספד ובכל חוצות יאמרו הו הו וקראו אכר אל אבל ומספד אל יודעי נהי
17 vnumber="17"> css="font-weight:bold"> יז ובכל כרמים מספד כי אעבר בקרבך אמר יהוה {פ} art="x-p"/>
18 vnumber="18"> css="font-weight:bold"> יח הוי המתאוים את יום יהוה למה זה לכם יום יהוה הוא חשך ולא אור
19 vnumber="19"> css="font-weight:bold"> יט כאשר ינוס איש מפני הארי ופגעו הדב ובא הבית--וסמך ידו על הקיר ונשכו הנחש
20 vnumber="20"> css="font-weight:bold"> כ הלא חשך יום יהוה ולא אור ואפל ולא נגה לו
21 vnumber="21"> css="font-weight:bold"> כא שנאתי מאסתי חגיכם ולא אריח בעצרתיכם
22 vnumber="22"> css="font-weight:bold"> כב כי אם תעלו לי עלות ומנחתיכם לא ארצה ושלם מריאיכם לא אביט
23 vnumber="23"> css="font-weight:bold"> כג הסר מעלי המון שריך וזמרת נבליך לא אשמע
24 vnumber="24"> css="font-weight:bold"> כד ויגל כמים משפט וצדקה כנחל איתן
25 vnumber="25"> css="font-weight:bold"> כה הזבחים ומנחה הגשתם לי במדבר ארבעים שנה--בית ישראל
26 vnumber="26"> css="font-weight:bold"> כו ונשאתם את סכות מלככם ואת כיון צלמיכם--כוכב אלהיכם אשר עשיתם לכם
27 vnumber="27"> css="font-weight:bold"> כז והגליתי אתכם מהלאה לדמשק אמר יהוה אלהי צבאות שמו {פ} art="x-p"/>