1 vnumber="1"> css="font-weight:bold"> א הנה יום בא ליהוה וחלק שללך בקרבך
2 vnumber="2"> css="font-weight:bold"> ב ואספתי את כל הגוים אל ירושלם למלחמה ונלכדה העיר ונשסו הבתים והנשים תשגלנה (תשכבנה) ויצא חצי העיר בגולה ויתר העם לא יכרת מן העיר
3 vnumber="3"> css="font-weight:bold"> ג ויצא יהוה ונלחם בגוים ההם כיום הלחמו ביום קרב
4 vnumber="4"> css="font-weight:bold"> ד ועמדו רגליו ביום ההוא על הר הזיתים אשר על פני ירושלם מקדם ונבקע הר הזיתים מחציו מזרחה וימה גיא גדולה מאד ומש חצי ההר צפונה וחציו נגבה
5 vnumber="5"> css="font-weight:bold"> ה ונסתם גיא הרי כי יגיע גי הרים אל אצל ונסתם כאשר נסתם מפני הרעש בימי עזיה מלך יהודה ובא יהוה אלהי כל קדשים עמך
6 vnumber="6"> css="font-weight:bold"> ו והיה ביום ההוא לא יהיה אור יקרות יקפאון (וקפאון)
7 vnumber="7"> css="font-weight:bold"> ז והיה יום אחד הוא יודע ליהוה--לא יום ולא לילה והיה לעת ערב יהיה אור
8 vnumber="8"> css="font-weight:bold"> ח והיה ביום ההוא יצאו מים חיים מירושלם חצים אל הים הקדמוני וחצים אל הים האחרון בקיץ ובחרף יהיה
9 vnumber="9"> css="font-weight:bold"> ט והיה יהוה למלך על כל הארץ ביום ההוא יהיה יהוה אחד--ושמו אחד
10 vnumber="10"> css="font-weight:bold"> י יסוב כל הארץ כערבה מגבע לרמון נגב ירושלם וראמה וישבה תחתיה למשער בנימן עד מקום שער הראשון עד שער הפנים ומגדל חננאל עד יקבי המלך
11 vnumber="11"> css="font-weight:bold"> יא וישבו בה וחרם לא יהיה עוד וישבה ירושלם לבטח {ס} art="x-p"/>
12 vnumber="12"> css="font-weight:bold"> יב וזאת תהיה המגפה אשר יגף יהוה את כל העמים אשר צבאו על ירושלם המק בשרו והוא עמד על רגליו ועיניו תמקנה בחריהן ולשונו תמק בפיהם
13 vnumber="13"> css="font-weight:bold"> יג והיה ביום ההוא תהיה מהומת יהוה רבה בהם והחזיקו איש יד רעהו ועלתה ידו על יד רעהו
14 vnumber="14"> css="font-weight:bold"> יד וגם יהודה--תלחם בירושלם ואסף חיל כל הגוים סביב זהב וכסף ובגדים--לרב מאד
15 vnumber="15"> css="font-weight:bold"> טו וכן תהיה מגפת הסוס הפרד הגמל והחמור וכל הבהמה אשר יהיה במחנות ההמה--כמגפה הזאת
16 vnumber="16"> css="font-weight:bold"> טז והיה כל הנותר מכל הגוים הבאים על ירושלם ועלו מדי שנה בשנה להשתחות למלך יהוה צבאות ולחג את חג הסכות
17 vnumber="17"> css="font-weight:bold"> יז והיה אשר לא יעלה מאת משפחות הארץ אל ירושלם להשתחות למלך יהוה צבאות--ולא עליהם יהיה הגשם
18 vnumber="18"> css="font-weight:bold"> יח ואם משפחת מצרים לא תעלה ולא באה ולא עליהם תהיה המגפה אשר יגף יהוה את הגוים אשר לא יעלו לחג את חג הסכות
19 vnumber="19"> css="font-weight:bold"> יט זאת תהיה חטאת מצרים וחטאת כל הגוים אשר לא יעלו לחג את חג הסכות
20 vnumber="20"> css="font-weight:bold"> כ ביום ההוא יהיה על מצלות הסוס קדש ליהוה והיה הסירות בבית יהוה כמזרקים לפני המזבח
21 vnumber="21"> css="font-weight:bold"> כא והיה כל סיר בירושלם וביהודה קדש ליהוה צבאות ובאו כל הזבחים ולקחו מהם ובשלו בהם ולא יהיה כנעני עוד בבית יהוה צבאות ביום ההוא {ש} art="x-p"/>